روحي ترفه وياك

محمد جلاب البديري

الحوار المتمدن-العدد: 4117 - 2013 / 6 / 8 - 02:25
المحور: الادب والفن
    

زاد وملح
يالحنين إبعشرتك
ضاوي مثل نور البدر
من يوم شفتك طينه طيبه
وماتصح
وياترافة روحك المشتوله
بذرتهه عشگ وتفيض مطره
وماتشح
شكثر ناس بلومهه سألتني عنّك
وانه يمّك .. شوفهم
حسدوني منك
بيك أهِمّن
وانه أخاف إعليك من وكت
الوكح
يل شتلتك وسط گلبي
وخضّرة سنبل فرحنه
بنص حزنّه
ياحلاتك وَفي ودافي
وگلبك العاشگ
سَمِح
ياشهد يتراگص بنص النخل
زفّة عرس ضحكة گُمر
فرحانه من لونه
الفِلِح
غيرانه وتريد
الرِبِح
مادرَوْ عنوانك بدربي سِكَن
هذا موش اليوم من أول زمن
عشگين وبگلبين صايبني
الرُمُح
وشتريتك ليل گمري
ولون خمري
وروحي ترفه وياك
وتحضنك حِضن
وتشمشم بگلبك عشگ حَدْ
الصُبح

#محمد_جلاب_البديري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل