هيّه مو سهله المحبه

محمد جلاب البديري

الحوار المتمدن-العدد: 4116 - 2013 / 6 / 7 - 09:01
المحور: الادب والفن
    

عد عيناك
من ذاك الوكت
روحي نجم بسْماك
إنت ماتدري بحنيني
شلون حامل ضيم
يتنطّر درب ملكاك
وشوف الناس مشدوهه
بحلاتك ياعطر بالياس
شَمَو ريحتك. والعطر ماينباس
ماينجاس .. ماينداس
بس روحي تجيس النظر
من عيناك
روحي تصَوُفة روحك يروحي
وماأظن تنساك
هيّه موسهله المحبه
حزن وفراح وصبر
بيت موطن للعُمُر
هذا شوگ وأبد ماعاف المُوَده
من هِواك
يانهر عاف الشواطي
وياجفن ماغطّه عينه
حارس وشوگه يعينّه
ينسه رُمشه وينسه طيفه
ومانساك
هيه كلهه جروح سهله
والتعب تعّبْنه دربه
من عِشگنه
ومن وفانه
وياك

#محمد_جلاب_البديري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل