محمد جلاب البديري
الحوار المتمدن-العدد: 4162 - 2013 / 7 / 23 - 05:31
المحور:
الادب والفن
طافت الدنيه بسمانه
حلم بين الصخر نمشي
خوف ويگطّر مطر جمره علينه
وين ناوين بمشينه
وها ليل المانضن منّه فجر
حفنة عُمر
وحنه ماشفنه سنابل تضحك بعين الدرب
صابتنه عّينه
ومشتهين
ندري ماندري أشتهينه
عرس ناوين بمشينه
نفرش الرمله مدينه
واليحب عنده گلب مجروح
مايلاّم بجروحه الحزينه
آخ منّچ مارُوَينه
صدگ هاي أرواحنه العشگة بذرهه
بحبل صرّه مرابط الدِر بأصلهه
وحضنة گماط الطفوله
وهلهلة بشموع إدَيْنه
اليحب ملاّح بعيون السفينه
واليحب نذرين مايطلب بدَيْنه
هذا عِشگ إلّي عِشَگ محبوبته
وتاه بحنينه
ياحلاتك ياعشگنه وياطبعنه
هذا عنوانك دَرَينه
سنين ويه سنين ونجِمْعَة سنينه
وبعد كل هاي السنين
الدنيه گالت
لو زرعة الطيب بذره
ينبت الخير إعله
طينه
#محمد_جلاب_البديري (هاشتاغ)
كيف تدعم-ين الحوار المتمدن واليسار والعلمانية
على الانترنت؟