يبن شدّود ياجبار .. وينك

محمد جلاب البديري

الحوار المتمدن-العدد: 4198 - 2013 / 8 / 28 - 13:13
المحور: الادب والفن
    

قصيدة رثاء كتبتها للشاعر المرحوم جبار شدود
صديق الطفولة والقهر والمنافي المتعدده من الوطن إلى مخيم رفحاء
المعتقل الصحراوي في السعودية ثم ماوراء البحار
....
القصيدة
ألك منّي قناديل الصبح بس عود
تجيك أويل هوى وتلوذ بالدار
وصافح بالسلام بياوكت جود
هضيمه الطير بعد جناحه ماطار
يبن شدّود بابك ليش مردود
يدگ ويه الگلب بالصار ماصار
يبن شدّود أبن چلاّب وتره بعود
ليش الغِنوَه مشدوده بحزنهه النار
من بعدك حروفي تگَطَّرت صيهود
أشوفن كل قصيدة تصيح جبّار
طلَب منّي حبيبي شمارحت عود
وريد وياك أرِدَّن جار وي جار
وشوفنّك حلم ماياكله الدود
يل كلّك ذِكِر وتصير تذكار
دگيت الگلب والباب مسدود
چن الناصريه مْظَلمه بِنْهار
جِبل گام وحِسب لَيّامك ردود
تِصافح وي مشاحيفك بِالأهوار
....
يهل صعب الوكت وياي .... جبار
أخذني بديرة الغربان .... جبار
آنه وياك رحم برحم .... جبار
ربينه والوكت جاب المنيه

#محمد_جلاب_البديري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل