عباس ساجت الغزي
الحوار المتمدن-العدد: 4183 - 2013 / 8 / 13 - 12:59
المحور:
الثورات والانتفاضات الجماهيرية
ثائر انا ..
مقصر .. اي بكد شعر راسي
وكَلبي قاسي
وتيهت اهلي وناسي
مقصر انه من سمعتك
من تبعتك
وهدنت امي وخواتي
وضيعت شيلة امي
ذيج ام ريحة الطيبة
واختي كَامت ادور ستر
بسوك الغواني النته اجبته
وخلهه سكته .. مقصر اني
من بعت تاريخ ابوي
وصدكَت تغير اجاني
واستقبلت غازيك بأحضاني
مقصر .. اني .. أي
افتحتلك باب بيتي
نصبتك على اخواني
وسلمت كلشي بيدك
ترجيت من بارح مطر
خالفت عصري وزماني
شيفد عض اصبع ندم
عمري انكَظه بأحلامي
بس انه مو حالم ترى
ثقيت بيك وسربلت جدماني
أي مو حالم حليم انه تره
احذر انته صولتي وبركاني
انته اهون من نسيج العنكبوت
وثائر انه وثورتي عنواني
عباس ساجت الغزي
#عباس_ساجت_الغزي (هاشتاغ)
كيف تدعم-ين الحوار المتمدن واليسار والعلمانية
على الانترنت؟