(( مجرّد تساؤلات ))

جواد القابجي

الحوار المتمدن-العدد: 4177 - 2013 / 8 / 7 - 10:19
المحور: الادب والفن
    

أبوذيَّه
*******
الوطن ألوان بي مذهب + ولعراق
وبِيِ من لا خجل يحمل + ولعراق
أحب كل طيَّب اومخلص + ولعراق
بين اظلوعي احفظه امن الأذيَّه
**************
القصيدة
*******
أسأل ارجال القياده اوكل فصيل
ليش دَمْ اعراگنه انهُر يسيل ؟؟
**************
ليش ماتعرگ گصصکم مستحه
گبل كلشي أعتب اعْلَهَلْ اللِّحه
باعت الدين اوصفه عالمشرحه
علَمُود المادَّه او جيبٍ ثجيل
**************
إقتل اسلب إسفك اولتدير بال
المهم تبني اقصور وتْطوِّر الحال
للفقير الله !!!! بس إلكم اموال
هوّه راد الله الفقير يظل ذليل
***************
ياحسافه الناس لســـّا نايمه
آمنت بيكم .. اوبيكم هايمه
اوإجت دولاراتكم من السمه
رزق الله اعليكم ايهيل اويميل
******************
يافصايل ظلم دوَّختوا العراق
انشرتوا بين الشعب إُميَّه وفراق
صرتوا للدولار حُب او إشتياق
وبفساد اخلاقكم هوّه الدليل
*************
فد سؤال البيه كل منصف يحير
ايصير يعله السافل بجوع الفقير
والشريف ايموِّته كاتم حقير
والوطن من زيفكم صاير عليل
*******************
[email protected]

#جواد_القابجي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل