علي حسين كاظم
الحوار المتمدن-العدد: 4131 - 2013 / 6 / 22 - 13:44
المحور:
الادب والفن
ياوسفه
أحبك
بس ياوسفة الوسفه
جنت تغضب
جنت ترعد
من جرف الشواطي يهده الحيل
صرت بحزام البوه تتحزم
ويدور الحول
ويوج بيه البرد
وبخت أطفالنه يتلعثم
ولك مليت
عليمن هالهجر
دكلي اشوكت تتعلم
ولك الزلم بالخنياب تتحزم
وأنته بذلتك
يعيب العيب
خصرك دوم بالوسفه يتحزم
لو من دون الخلك
خلكك جبير
كلما ثكل ضيمك
ترجع تعتلك
بس ياوسفة الوسفه
العمر مايلتم
علي حسين كاظم
كندا
لمعرفة اخر تطورات فيروس كرونا في بلدك وفي
العالم كله انقر على هذا الرابط
https://ahewar.org/Corona.asp
كيف تدعم-ين الحوار المتمدن واليسار والعلمانية
على الانترنت؟