الخوف وصناعة الجلاد

عبدالله صقر

الحوار المتمدن-العدد: 4104 - 2013 / 5 / 26 - 08:08
المحور: الادب والفن
    

هو السجان
وأنا المسجون
هو القاتل وأنا القتول
أنا إل بخلق جلادى بإيديا
وبناوله سياط مغزول
علشان يلهب بيه
ظهرى ورجليا
ويدخلنى فى المجهول
وفى النهاية كلمتى بتتسجن فيا
........................................
أنا إل صنعت كل السجانين فى الدنيا
وأنا إل صنعت جلادى بإيديا
لآنى أتغابيت وأتخازلت وهادنت
وأتهاونت فى حقى
لآن لما كان معاندنى ومتحدانى من الآول
أنا إل أتراخيت ورضخت وزرعت الخوف جوايا
...........................................................
وعلشان كده ركبنى ودلدل رجليه
ياليتنى كنت أتحدينه
وموت قلبى وصديته
وكنت ضحيت بعمرى
علشان غيرى يقدر يعيش بحرية
وكنت قلت له لآ لآ لآ
لا تفاوض ولا أنكسار
علشان أولادى يشعروا براحة وأستقرار
ويقدروا يرفعوا الرأس من بعدى
......................................................
لكن جلادى للأسف جبار
كان أقوى منى وقدر عليا
علشان كان حامل فى إيديه مدفع وبندقية
بيضرب بيهم عليا
كل دقيقة وكل ثانية
وأنا لا حول لى ولا قوة
مفيش فى إيديا غير عصاية ملوية
وكمان معووجة ومكسورة
ولو ضربنى ...... موش ها أقدر
أدافع عن نفسى
لآنها زى الآيد المبتورة
وفى صدرى سنين عمرى محشورة
وعلشانها مقدرتش أتكلم
على فكرة
الجلاد موش مارد
ولا هو غول شارد
ولا هو أسطورة
هو مخلوق زينا بس إحنا إل كبرناه
وعملنا منه منظر وصورة
إنسان صنعناه بإيدينا
وسكناه بالخوف فى قلوبنا وخيالنا
وبتنا نحلم بيه
لآننا بنخاف والخوف معشعش فينا ومالينا
وإحنا إل حولناه من إنسان لشبح مزعج ومخيف
.....................................................
جلادنا .... لما كان بيضربنا
كنا بنخاف ونطاطى
ونسكت على أعماله وجرايمه يوماتى
وسكوتنا هو سبب أستوحاشه
لدرجة إنه نصب زنازينه علينا
ومشانقه صنعها على قدينا
قدر يصنع عتمة السجن فى صدورنا
وفى بيوتنا وفى عقولنا وفرض السجن
حتى فى شوارعنا وفى مدارسنا وفى مناهجنا
غلشان الخوف إل كاسينا ومالينا
قدر بعنفوانه يسيطر علينا ويخللى السجن شعور جوانا
وعيونا بالدموع مليانة
.............................................................
ممكن يفرض علينا مليون سجان
ممكن نلاقيهم فى عملنا وخطاوينا وفى كل مكان
ليه صنعنا الخوف فى نن العين ؟
وليه زرعناه فى نياط القلب وعل الجبين ؟
وليه حصدنا فى كل لحظة وكل حين ؟
علشان إحنا من الآول متخازلين
..........................................................
على فكرة
موش شرط السجن زنزانة وسجن وقضبان
أو سياط بتلهب الآبدان
أو عشماوى بياخذ روح إنسان
أو أرواح بتتحول لآكفان
أو سجان قاسي بيمنع عنا الكلام
أو بيحجب عنا الآمال والآحلام
أو سجان يفقأ عيونا علشان
لحريتنا لا نشوف
أو يصنع جوانا الرعب والخوف
أو يحجب عنا ضوء النهار
أو إنه يخللى ليلنا طويل وملهوش عنوان
......................................................
ساعات السجن بيكون إحساس
بيصنعه جلادنا فى قلوبنا
لآنه سنك ونام جوانا
وقدر يرهبنا ويمشينا على هواه
وحسب ما هو عاوز

عبدالله صقر

#عبدالله_صقر (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل