سنين الغربة

عبدالله صقر

الحوار المتمدن-العدد: 4098 - 2013 / 5 / 20 - 15:00
المحور: الادب والفن
    

رميت همومى ورا ء أكتافى
وخرجت من ثوبى
وشقيت غربتى بكفوفى
والعتمة بتدارى الوجوه
لما يستخبى الضى
وضى النهار طالع له
نور على الحيطان
وساعة الغروب أنا طالع
أدور على النهار
يقابلنى ظلمة , أتوه عن وطنى
إل بدور عليه من سنين
.......................................
أنا الفكرة إل طالعة من طلاسم المجهول
يقابلنى فى الظلمة كل يوم غول
يحاول يضيع منى الفكرة والآمل
لكنى مخبىيهم بين ضلوعى
ومستعد معاه أبقى مقتول , بس يتحقق أمل بكره
وأقضى على الغول وألاقى وطنى إل بدور عليه من سنين
كل الآمانى فى الليل بتبقى سودة
أخبى كل أمالى فى صدرى وأقول سامحنى ياوطنى
وأنا سايح على وجهى لدرجة أن عمرى أتبدر على الطرقات
من كثر البحث عنك .... أه طالعة بطعم المرار
من غربتى ........... وطنى يا ناس دايما يناجينى
فى منامى , حتى فى أحلامى ساكن فى قلبى طوالى
ياغربتى , نفسى إنك تلفظينى
علشان وطنى مستنينى .... يمكن بعد تعبى ألاقيه ويلاقينى
وياخذنى فى حضنه ويداوينى , من غير سلام ومن غير كلام
أصل الغربة بتزود الآشواق
والكلام ده ما يعرفهوش غير العشاق
لآن بينى وبين وطنى حنين وأشواق
بس ألاقيه يا ناس مستنينى ... ساعتها ها أقدم له نور عينى
لآن القلب عشمان بالوصال ومل من الفراق
........................................................................
بمشى فى الشمس وهى بتحرقنى وكمان بتحرق الآوراق
لكن دواء عينك ياوطن كان بيحمينى
وياما قت لنفسى : بكره ياوطن ترجعلى وتشجينى
وأرقص على أنغامك من جديد وأقول موال يسلينى
بكره ترجعلى وتخيب كل الظنون وتحوينى
عايش وغربتى عايشة جوايا , يعنى ساكنانى
صدقنى يا وطن غربتى حرقانى
والقرش لو قصر فى أيدى , تبقى رقبتى قصرت كمان جوايا
والآيام من غيرك ملهاش معنى
ما بلاش المهانة وأرجع لينا يا وطن دا الآيام ملهاش معنى
أرجع لنا حتى لو أعتذرنا ليك , وقلنا حقك علينا
أرجع علشان نقدر نعيش وعلشان عيالنا تجرى وتمرح
وتلبس هدمة جديدة من ثانى وتاكل لقمة هنية
وبلاش منها مهانة , أنا يا وطن بقيت زى خيال المقاتة
فى كل مكان
مرسوم على وشوش البشر الآحزان
خيال المقاتة فى الشوارع وعلى الحيطان
والشمس تاكل فى القفا وكام إنسان
بيموت من الغربة جوعان
إنسان بينضرب ويتعذب وينهان
بحجة الآعتراض
وهو إل قضى عمره كله عايش جنب الحيطان
يتعرى فى زمانا وتبان عورته أمام الناس والخلان
الكلمة وصلت للحلقوم , خلاص ما بقيناش متحملين
واحد مننا ينهان من الغربان وكفاية مهانة عبر الزمان
إنسان خايف من الكرباج أو خايف من القضبان
عايش مهادن لا صوت و لسان
لكن عساكر الآعوان
بتدوس على الصدور بجنيه مصدى
نعيش العمر والآيام كلها زى بعضها لكنها بتعدى
كئيبة ... ناس كثير بتطاطى من الخوف
أما أنا طول عمرى أبو لسان .... عمرى ما كنت مطاطى
ولا عمرى ماكنت واطى ... كنت أنزوح , ودايما كنت زى المياه
إل بتجرى من العالى تملأ فى الواطى
....................................................................................
سنين العمر بتسرقنى وتسرق الآهة
وعمر الضل ما كان ضل إلا إذا كان فيه شمس أو ضل قمراية
وإل باقى من العمر موش قد إل فات .... لازم تخلى شمسك
أمام عيونك علشان تسبق الضل وعلشان لطريقك ما تضل
وعلشان ما تحسش بإنك عايش فى الطل
أصل سنين عمرك ما ها تطل على قصر تسكنه وأنت تايه وحبران
يا واد خليك عايش على الآرض وبلاش توهان
بأيه يفيد الدمع وهو ساكن جوة عيونك
من غير ما يسيل على خدودك
عيط يا واد علشان تصعب على جفونك
الريح لو جاء من أتجاه واحد مال عودك
طب كيف يخضر أوراق الشجر والجذر ناشف ؟
عمر ضعفى ما علمنى أكون منحنى
دايما قلبى أخضر بلون شجر بلدى
مرعر وواقف يتباهى بأرضه
صحيح الوطن زعلان مننا وغايب عننا
بس كلنا أمل أنه برجع لنا
من ثانى .... راجع مخضر زى زرعة
راجع ومحفور فى قلوبنا والدليل على كده حبنا له
من سنين موش من أيام

#عبدالله_صقر (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل