كنت بحلم بالحرية

عبدالله صقر

الحوار المتمدن-العدد: 4026 - 2013 / 3 / 9 - 17:51
المحور: الادب والفن
    

حرية ..... حرية
معنى غايب ... معنى تايه عنى
وعن الحبايب
معنى مدفون , جوه السجون
إسم مدبوح , وموش مسموح
بيه نبوح
أه يا حرية
يا كلمة كبيرة عليا
أه يا حرية
يا غالية عليا
لكن يا خسارة
معنى مقتول فيا
حرية ... حرية
عايش وموش حاسسها
عشان حقوقى
موش ليا
تاية, , , وضايعة
من حوليا
كلمة شايلها جوه ضلوعى
أه يا حريتى يا ضايعة منى
بناديكى بأعلى صوتى
.........................

يا حرية
يا مذبوحة بأيدينا
وبأيدين غيرنا
وغيرنا قاسى علينا
أه ... وأه خارجة
من صدرى
زى دخان النار
أه وبقولها على كل ظالم جبار
ماسك فى أيده سيف بتار
أه من كل ظالم وكل جلاد جزار
ملوث أيديه بدم بشر
وعلى أيديه الظلم أنتشر
أه بقولها من قلبى
على كل مظلوم
شاف الظلم من سجانه فى يوم
..................................

بيقولوا الحرية موجودة
أيوه موجوده
وبنشوفها فى ليالى سودة
أيوه موجودة
وبنلاقيها جوه حيطان مسدودة
أو على أيد ظالم ممدودة
أو بنلاقيها على الورق مكتوبة
أو على سيوف مسنونة
أو بنلاقيها فى مشانق منصوبة
.................................

الحرية .............. الحرية
كلمة غالية أوى عليا
نفسى أشوفها يا ناس
طول عمرى بحلم بيها
نفسى أشوفها حتى لو ها أشتريها
المهم أحس بيها
.................................

بمناسبة الحرية ها أحكى لكم حكاية حصلت لى وأنا شاب فى ريعان الشباب , أيام عبدالناصر وكمان السادات :

فى ليلة من اليالى
خبط على بابى
العزيز الغالى
كان البوليس السياسى
وكان لابس زيه الرسمى
وعن أسمى سألنى
وحط الحديد فى أيدى طوالى
ومن عينى غمانى
وجرنى وفى زنزانة ظلمة رمانى
فى بداية الآمر حاولت
أعرف حكايتى
وأيه هى جريمتى
قالوا لى أنت من الثوار
( كل ده علشان كنت بحلم بالحرية )
قلت فى نفسى أخرتها أترمى وسط المجرمين !!!
وكمان أنضرب من شوية مخبرين !!!
..................................................

وبعد كام يوم
ما شفتش فيهم النوم
عملوا لى محكمة أى كلام
وقالوا فيها عنى حكايات ولا فى الآحلام
وأخيرا حكموا على بالأعتقال
من غير ما كلمة تنفال
ورمونى فى زنزانة
شبر فى شبرين
مليانة حشرات وثعابين
وكانت مليانة مياه ووجل وطين
وأخيرا نمت على بورش كان فيه ريحة وعرق مساجين
ومن هذا اليوم بدأت حكايتى
وكانت حكاية جديدة
كان بطلها كرباج وأنا وسجان
حكايتى ما يعرفهاش حد
لآنها كانت من وراء القضبان

#عبدالله_صقر (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل