ليش ؟؟؟-

ميسون نعيم الرومي

الحوار المتمدن-العدد: 4057 - 2013 / 4 / 9 - 13:02
المحور: الادب والفن
    

لـيـــش ؟؟؟-
مـيـســـون نعـيم الـرومي

ليش ! أسـأل قـدرنـه اوليش محتـومْ ؟
ليش (اعـْراقـنه) كل وكتـَه مضيــُوم ؟
ليش اشعـُوب الله كـلهـه مرتـاحـَـه ؟
اوشعبنه ابكل وكِت ياناس مسگوم
لــيش انجوم تِضـوي وابسـمَـه الناس؟
واسْمـانـه مـطرهه اعلينـه بس اسـموم
لــيش اشعوب ربنـه تـفرح اتغنـّـي ؟
ليش الوكت يمشي اويانه بـالـضِــد دوم؟
وكِـتنه الصار (رَحَّـه) اويطحن الأيام
وكـتهـُم بالعـــلـِم مِـزهِـر اومـَعـلوم
-----------------------------
ليش النفط عدنه ابگاعي منهوب ؟
او نفطهم وابوطنهم يزهي كل يوم
شعبهم للحكومه ابحلگه مسموع
حـَـچينه بالحلگ كل حقه ملجـُوم
نِــفــَسهم بالصدر مايعـرف احدود
نـَـفسنا ابعبرته بالريـّـــــه مكـتـوم
تِـهـلهـل ناسهم صفگه اوزغاريــد
غــَناويـنه تطگ بالأصبع اهـْـموم
ليش الأمم تبني ... اوطخت الغــيم ؟
اوشعـَبنه من يغِـص يشهگ البلعوم
-------------------------------
عِـدهـُم أمهـُم اتــْـفاخِـر بالاولاد
بالإيـدين تصفگ عدنـَـه واتگـومْ
ـ (رأس المـال) عِـدهم صار الانسان
رخيصـه ارواحنه تـسبح بـلِـدْموم
ايـد ابـيـد عدهـُـم ياهـَـنـَه الـناس
ليش الجرح عدنه ابجرحه ملچوم ؟
شـو بلـْدانهم (بـكــّـر) تِـضل لــيش ؟
بـَـغــداد العفــيفه (تـُغـْـتـَصَب) دوم

ليش ! أسـأل قـدرنـه اوليش محتـوم ؟
ليــش اعراقـــنا كل وكت مضيــُوم ؟
ســتـوكـهــــولـم
نـيــســـان ـ 2013

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل