نتنَطّر اوجانَه البين حمَّه الْتجي امن الرجْلينْ

ميسون نعيم الرومي

الحوار المتمدن-العدد: 4041 - 2013 / 3 / 24 - 01:45
المحور: الادب والفن
    

نـتـنـَـطـّـر اوجـانـَـه البين ـ حـمـَّـه الـْتجي امن الرجـْليـنْ

نِـتـْغـَيـَّـر؟ اوهــذا حـِلــمْ
نـِهـْتِـفْ انـْصفگْ للحـكـُم
ازْبـالـَه نـنـْبشهَه او نـِلم
واتـْرسْـنـَه بـيهـَه الصـوبين ـ حـمـَّـه الـْتجي امن الرجلينْ
ــــــــــــــــــــ
لـَتـْريـن الك نـفـْطـَكْ اليْ
بالخـَزْنـَه نـِلعـَبْ شـومـَلي
شـَعـْبِ العـِراق الـمـِبـْتـِلِي
وانـْصيـح فـَالـْيحـيـَه الـديـنْ ـ حـمـَّـه الـْتجيْ امن الرجلين
ــــــــــــــــــــ
گـرْصَة رغـيـفْ او كالبـَدرْ
أحـلـَـم ابـْحـِكـّـاكَـَـة جــــدر
بـالسـَنـَه ماشـِمْ كــلْ زفــَـر
غاب الـبـدرْ من اسـنـيـن ـ حـمـَّـه الـْتجي امن الرجلين
ــــــــــــــــــــ
مـَگـْرودْ يـُمـّه هـَالشـَعـَبْ
مـن الـقـَهـَرْ مـَلْ اوتـَعـَـب
ويــلادَهْ مـاتـَـتْ بـالحـَرب
والـصـوچْ ندري امن اثـنـينْ ـ حـِمـَّـه الـْتجي امن الرجلين
ــــــــــــــــــــ
ـ ( الـمـايـسـوگـَه مـَرضَعَـه
سـوگْ الـعـَصـَه مـايـْنـفـَعَـه ) ـ
الـظــلـم مـَحَّـدْ يـِـجـْرَعــَة
والـشيـّنْ يـاكـل بالـْزّيــنْ ـ حـمـَّـه الـْتجي امن الرجـليـن
ــــــــــــــــــــ
طـَبـعْ الـخـِـيـانـَه بـالـبـَدَنْ
مـَيـغـَيـّرهَ بـَـسْ الـچــفـَـنْ
هـنـيـال حـَسـنـَه ام الـلـبـَن
ماي اوتِـخِـض صـار اشـنـين ـ حـمـَّـه الـْتجي امن الرجلين
ـــــــــــــــــــــ
نـَفـْطاتـنـَه ابـْجـيـبْ الـوَلِي
ارْدَ اشــْتـكـيـلك يـاعـَلـي
يـا شــَعـَبْ انـتَ الـِمبْتـِلي
واحْـنـَـه دَخـيـلـَك يـَـحـْسـينْ ـ حـمـَّـه الـْتجي امن الرجـليـن
ـــــــــــــــــــــ
يـا وَطـَنْ سـورَكْ مَهْــدومْ
يـا شـَعـْبـَكْ الكـُلـَه اهمـوم
مـو كـافي ! بَسْ امن النوم
نـوم الكهـف نوم اسنين ـ حـمـَّـه الـْتجي امن الرجلين
ـــــــــــــــــــــ
نـِدري الخـَلْ طـارْ امن البـصـره
اونـِدري الروحْ ابطـَرگْ الحَسرَه
مـِتـْخـوصـِرْ حـاكـمـنـَه ابخـَصره
مـِتـْحزّم كـَرشـه احـزامين ـ حـمـَّـه الـْتجي امن الرجلين
ــــــــــــــــــــــ
لـيــش الـضـَـمايــرْ ماتـَـتْ ؟
والــمـرأه لـيـش انـهـانـَتْ ؟
بــَغــداد هـتـفـَـتْ ! صاحـتْ
ليش الذَهبْ صايْر طيـنْ ـ حـمـَّـه الـْتجي امنْ الرجـْليـن

آذار / 2013
ستوكهولم

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل