نايب ابْطَرْگ اعْيوبَه

ميسون نعيم الرومي

الحوار المتمدن-العدد: 4034 - 2013 / 3 / 17 - 20:59
المحور: الادب والفن
    

القراء الأفاضل
استهواني الشعر الشعبي البغدادي فنظمت على بحره
هذه المربعات أأمل ان تنال رضاكم وأعجابكم

نــايـب ابــْطـَرْگ اعـــْيـوبـَـه
ميسون نعيم الرومي

لاصــورَه لاچـَـرچـوبـَـه ـ نــايـب ابــْطـَرْگ اعـــْيـوبـَـه
ابـْـحـلـگـَـه ياعـيـني الـعِـلِـچ
مِـنـَّـه الـعِـلِـم مـاخِـــــذ ورچ
يـِـتـْبـاهـَه مِـن يـحـْـچـي قـَـرَچ
والـْدِنـيـَـه هـَالـْمـَگــلـوبـَـه ـ نــايـب ابــْطـَرْگ اعـْيـوبـَـه
**************
نـِسوان فـدوَه امحـَصنـه
مـًـتبرگـعه و امچـفـِـنـّه
اتـبـوگ عَ الداير سنـَـه
والخزنه هالمنهوبه – نايب ابطرگ اعـيوبه
****************
كل العـًمر نزحـَـف زحِــف
تاليهـه ضيعــنه العِـــرف
يـــوم انتخبنه هالـْـتحــَف
هَل بينه لعبوا طوبه - نايب ابطرگ اعيوبـَه
****************
يـاويلي مـنـَّــك يـازمـن
مبتلي بينه او ممتحِـن
واحـدنه يسبح بالحزن
من ضيمه شگ ابثوبه - نايب ابطرگ اعيوبه
***************
نافخ ابصدره اومنــْـتـِـشي
جاهـِـل اوأمي اومرتِـشـي
بالرشوه خو محشي حشي
نــايـب غِـرگ بذنوبه - نايب ابطرگ اعـيوبه
****************
جايع اوكل اكـلي فجـل
اتـحـلـّم ابـگـشر البصل
نايب او ياكِـل بالـعـَسل
تارس لــَفـَندي اجيـْبوبـَه - نايب ابطرگ اعـيوبـَه
***************
ماضل نـًـوَه اولا ضل تـمر
واتـفكـفـك احديـد الجــسِــر
حـصَّـتـْنـَـه مابـِـيهـه شكـــر
طار الشكـر من كوبـَه - نايب ابطرگ اعيوبـَه
***************
يـعـتـقـدْ نَـفْـسَــة ملـــتـــزمْ
وامـْحَـشـه راسَــه بـالـفـهم
شــاطـر ايـفَــكْ الـطـلّســم
وانـفـضَـحْ كُـل مَلـعـوبَـه - نايب ابطرگ اعيوبـَه
***************
نـفـْخـوهـه تـتـصَـور صـدگْ
بـالـشــعـْر وَاوزانـَـه تـِـدگـــ
اغــراب والـبـومه ارتــفــگ
شــعـيـر او وصـَل لـلـدوبـَه- نايب ابطرگ اعيوبـَه
***************
نــَفــط نـَـفــط مـاكــو نـَـفــطْ
گـاعـد او يـرْســم بـالـخـطـَط
بـَس لـَغـْف يـا نـاس او شـَفـْط
نـَفـْط الـشـَـعـَـب بـجَيـوبـَه - نـايـب ابـطرگ اعيوبـَه
***************
مـَحــروس يـا هـذا الَوَطـَـن
والـْـيـُحـكـمـَه مـخـلـص فـَطـنْ
عَ الـشـَعـَب هاليـبـچـي اويِـون
بـالـوطـَن يـلـعـَب طـوبـه - نـايـب ابـطرگ اعيوبـَه
ــــــــــــــــــــــــ
آذار / 2013
ستوكهــــولم

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل