دردمه بغدادية على لسان أبو الدكّان

محسن لفته الجنابي
كاتب عراقي مستقل
(Mohsen Aljanaby)

الحوار المتمدن-العدد: 3914 - 2012 / 11 / 17 - 00:51
المحور: كتابات ساخرة
    

حتى الذبان تغيروضعه كَام يكَرص ويضم راسه صار ساعه أكش بيه ومايطلع يمكن مشاركني ومسجل أسمه وياي بالطابو
يمعودين شنو السالفه قبل شوية أجاني واحد أعرفه مشعول صفحة بعده ما سلّم دزيتله على چاي وشوباش يلّا أنقلع لأن چذّاب ومكَلكَل و أكشر وميشوم وماينكَدر مثل حيّة الركَطه
تداينه يرتاح تداعيه يزعل ولما تكَبّح وياه ينكَلب طنطل, تكَول شاذي أذا ماحصّل منّك شي يسوّيك سينما بدون بطايق
عجيب أمر الوادم وين واحد ينطي وجهه , لاحكَني عل الدكان يريدني أبيعه , ولك آني شعندي غيره أشو كَاعد على بساط المروّه و المحل فارغ مابيه غير الأسكملي أبو المخدّة من زمن جدّي يمكن أشتراه بالفرهود بسحلة نوري باشا سعيد , على الأقل عندي دكان أكَعد أباوع الناس وملهّي نفسي من هوسة البيت والجهال والتلفزيون و المناكَر و أحمد الله وأشكره وشيعتي نظيفه ما ملطوخة مثل البزازين والواويّه الثابرين العالم بالكلاوات والجنجلوتيات والمفلس بالقافله أمين , ماعندي غير الحصّة أوزعها وأبقى الشهر بطوله أتثاوب لو أذرع شوارع لحكَونا عليها يردون يلغوها ,ماكو شي يفرّح أبد , خلّي أتذكر أيام عرسي والدفاتر العتّكَ بلكي أنسى , چان الدكان مثل الديوان , ماتشوف يمّي بس الزلم الزينة و الناس چانت آوادم وتزرع طيب و ما تدوّر مصالح مثل هسّه مع الأسف خربت ومحّد يسلّم عليك أذا ماعنده شغلة يمّك , الناس هايمه مدري تمشي وهيّه نايمه ..
شجاها تغيرت و صارت غير شكل مابيها لذّه ولا ثمرة , يكَولون تطوّر !
وينه التطوّر ؟ لما الواحد يطلع للشارع يتشاهد ويقره الفاتحه وما يعرف منين تجيه , و القلق لاعب جوله بينا وخلصت أرواحنا , وأكثر شي كاتلني هو شغلة الچذب , هو صحيح ماعليه ضريبه , بس ليش كٌلّه مخربط , حتى الچذب مال قبل كان مسفّط و يخلّي المقابل يرتاح ويصدكَ, هسّه صار مثل شخير النايم وما أكَول غيرها , أما الحرامية فشغلتهم واكَفه لأن ماعدهم لاذمّة ولا ضمير , أكو منهم يذبحون جهال و يسمونها تجارة أعضاء بشرية و قسم لاخ يخطف بنات بيوت يغتصبونهن لو يبيعونهم مدري وين و السلّابه يكتلون السوّاق علمود خلك سيارة !!
دنيا خربت و صارت مزعطه مثل كورة الزنابير , ومحّد يكَدر يفك حلكَه ويكَول حلك السبع جايف خلّي أسكت أحسن لا واحد يسمعني وأروح بالزلكَ لأن السمجه جايفه من راسها .

#محسن_لفته_الجنابي (هاشتاغ)       Mohsen_Aljanaby#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل