شو هل الحكي ... قصيدة

نائل مدانات

الحوار المتمدن-العدد: 3432 - 2011 / 7 / 20 - 02:25
المحور: الادب والفن
    

شو هل حكي
صار اللحن ب أيامنا نعي وبكي
والمغتصب أوطانا عم يشتكي
أطفالنا ل صغار عم يرمو حجار
وكبارنا بوسط المجالس ترتكي

أووف أووف
حكايات عن أسلافنا نحكي مرار
حكايات صدق وكذب ..أنت شو بك
احنا ولاد اليوم غربلنا الزمان
حكاياتنا ل ولادنا ما بتنحكي

أووف أووف
يا وطانا المفرقة بأحلك زمان
ما تضني انك يوم غازي تربكي
ولما ملاك الموت جاب النا الهوان
وانت على أشلأنا عم تدبكي

أووف أووف
لما يجور الحظ ويضيق المكان
تتفرجي ودياتك عم تشبكي
والخوف ع جبينك غدا نيشان
الحجة فوق الحجة صرت تحبك

أووف أووف
كان ياما كان في بعض الزمان
شعب ووطن وسجون وحكم مفبرك
وحدود ما هي حدود وما فيها أمان
نكره بني صهيون والا البرمكي

أووف أووف
أووف ياما الأووف في قلبي اشتعل
صارت مراجلنا سواليف وحكي
نسكر ونثمل وألأمل.. ضاع الأمل
صارت ملاجئتا مابين الأوركي

أووف أووف
ياطفل يالي فوق أنف الأحتلال
عندك قضية وفي قضيتك تدرك
ياما الشمس تظهر من فوق التلال
ورح يجي يوم..أنت بعدوك تفتك

أووف اووف
يشهد شجر هل التين والزيتون والرمان
وكل الركب يلي ل الله بتركعي
نتوارث المقلاع بشهود وعيان
حتى الأرض لصحابها تترجعي
ـــــــــــــــــــــــــــــــــــــــــــــــــــ
( تأتي الياء أحيانا بدل الكسرة)

#نائل_مدانات (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل