طيب وإيه يعنى..لما الكلب بايعنى..

فتحى غريب أبوغريب

الحوار المتمدن-العدد: 3419 - 2011 / 7 / 7 - 07:55
المحور: الادب والفن
    

نفسى أكتب شعر الجمال والحب..
نفسى أرسم فى الورق..
ياجميله..ليك أجمل قلب..

نفسى أرسم هرم فرحه...
وأمسح من عيونك..
جبال العذاب والغلب..

نفسى أعيش ولو مره..
فى بلد حره..
قالوا قول يارب..

طيب وإيه يعنى..
لما تقتل روحى ..إزاى ترجعنى..
طيب وإيه يعنى.. لما عصابه تحكم بلد
وأسمع نواح الفقير يقول الغنى باعنى

وناس وسط الزباله
كسره عيش بترضيها
رضينا يازمن.. ب... الهم ..
وفوق الخوف حالف تجوعنى..
طيب وإيه يعنى..

ناديت وقلت حرام..
ولا حد لحد الوقت سامعنى
كرامه شعب منداسه..
قالوا وإيه يعنى..
وثوره شعب ..على رياسه
وقالوا.. منباعه ونخاسه..
وعملوا لينا مش ليهم..
محاكمه وحراسه..
طيب وإيه يعنى..

أطاوع مين ومين يطاوعنى؟
ومن دحديره لبير..
مصر تنادى يا ولادى..
مين..يطلعنى..
ومين فى زمان الخوف..
والذل علمنى..و طبعنى؟
وقالوا ..عشان إنسان طيب وإيه يعنى..

#فتحى_غريب_أبوغريب (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل