سهران ع كتف السرير

زاهد عزت حرش
(Zahed Ezzt Harash)

الحوار المتمدن-العدد: 3348 - 2011 / 4 / 27 - 23:01
المحور: الادب والفن
    

سهران ع كتف السرير
زاهد عزت حرش

دُقِي عَلى بواب الصُبِح بَكيّر
يا شَهقِت الشمس
قَبل ما تُوّعَى
يا كَرّجِت عَصافير
يا نَقوَدِت شَمِت حَبَق
غُصن الندى
ع جّوَانحِك بِطير
الكَوّن بَعدو ما لِبِس
تَوّب الشُغل
بَكيّر بَعدو ع الشُغل بَكيّر
يا عيون
حِلم الدِني ما كان وعَاها
غِفيّان قَلب مدَللي
بتَوب الحَرير
ع تِمها كَوّمة عَبَق
ع خدودها تِفاح
شِي أنو احتَرق
يِحرق لسَان النار
بِالثَوب القَصير
كيف بدي نام
وصَايبني ألاء
سهران طول الليل
على كتف السرير
عَم رَتل الأشعَار
عَم بِكتُب وَرَق
عن شعرها
عن صدرها
عن خصرها
شو دوزنوا مزامير
والعُود يا عُود وشَهَق
يا كروم، يا نواطير
شَايف مثل نَهر ومَرَق
لّف النبع مثل السحر
لأ.. فوق السحر بكثير
تخّمين فينوس
نايمي حدي
تخّمين سِت الحُسن
أو بنت الأمير
ما كان بالإمكان أرسمها
ولا أنحت شكلها تمثال
من رخام وعبير
يمكن لأنها عوسجي
ع شفافها خمر اندلق
يمكن لأنها مخمرا تخمير

وتحركت مثل اللي بدها تفيق
ع صهوة شبق
ضميتها وقلتلها نامي
بكير بعدوا
ع العمر.. بكير

شفاعمرو – الجليل / نيسان 2011

#زاهد_عزت_حرش (هاشتاغ)       Zahed_Ezzt_Harash#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل