تعشبقي فوقي

زاهد عزت حرش
(Zahed Ezzt Harash)

الحوار المتمدن-العدد: 2817 - 2009 / 11 / 1 - 20:23
المحور: الادب والفن
    

عم تبعتي بوسة من شفافك على خدودي
وبتسرحي بِحالكْ
طلَبتْ مِنِكْ..ِ وكرمال عَينيكِ
لا تتعلقي فييّ
ولا يِنْشِغلْ بَالك
شو بتَعرفي عَني ..
وانا مضَّيّع شمالي من شمالكْ
بخَافْ اني جِنّ ..
ويصير بيناتنا شي ..
مَا كان عَ بَالِكْ
لا تنَكوشي فيّي ..
وتتنَغوَّجي .. بيتقطعوا حبالِكْ
انا مَجْنُونْ .. قِلتِلِك .. لا توَرطيني
وتتورطي
عَم بِحكِي كِرمَالكْ!

لو تِسمحيلي بِنبُش بشَعرِكْ
وبفَرّفِكْ خيالِكْ
وبفُوتْ جِوّاتِك انبُشْ صناديقكْ
كَّسِر مفاتيحِكْ
وانكُتْ الغَبرا عَن سِحرْ مَوّالِكْ
تّرِكِيني غِّل فِيكي
ضَّيّع شَرايني بشَّرَاينِكْ
اسبِح على خَصرِكْ
واتْسَحسَل على جبَالِكْ
هَونِيكْ بِوَادي المِسْكْ
نَّقوِدْ عَسَلْ تِيِّنكْ ورِمَانِكْ
وغِّب حتى دُوخْ من عِطِر شَّيَاليكْ
ومن عِنقْ كِرسي الخَّد
حَّيّك زرَار يَاسمِنِكْ
والفل عَم يِكْرُجْ عَ سِلّسَالِكْ
مَا عَادْ فيّي رُوق
لا تِتعَبي..
تْشَّربَكوا حْبالِي مع حْبَالِكْ

تّعَبَطي فيّي
أُعصْرِيّني
تّشَقبَعِي فَوّقِي
مَا أنا خَلقَان كِرمَالِكْ
31.09.10

#زاهد_عزت_حرش (هاشتاغ)       Zahed_Ezzt_Harash#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل