شفت شواربه وتغزرت بيه ...

حسن حاتم المذكور

الحوار المتمدن-العدد: 3312 - 2011 / 3 / 21 - 14:51
المحور: الادب والفن
    

شـفـت شواربـه وتـغـزرت بـيـه
حسن حاتم المذكور
ـــــــــــــــــــــــــــــ
الى شراكة ـــ حمل جمال ـــ الوطنية .
......................................
شـفـت شـواربـه وتـغـزرت بـيـه
لـولـه شـواربـه مـا جنت الـفـيـه
..............
شـفـنـه شـواربـه ومـا شـفـنـه نـفـعـه
مجلب بالـغـريـب وعـاف ربـعـه
صـفـقـه تـاخـذه وصـفـقـه تـرجـعـه
ومـن جلـة الخيل نراهن عليـه
...............
شفنه شواربـه ورحنـه نتخبناه
على درب الشراكه ما نصحنـاه
طلع فرخ البعث معزوم ويـاه
وعلى جيد العده نسكي ونداريه
.....................
شفنـه شواربـه والطاسـه علراس
مـن جلـد الفطيسـه يخيـط مداس
شفط جوع اليتامـه وصلـه بالنـاس
يبـﭽـي على الشهيد ويضحك عليـه
................
الصبي يخطب هنا ويصرّح هنـاك
اللّيـه بحضن هـذا وبحضن ذاك
لو تنصحـه مدلل يزعـل ويـاك
لو ينفع ويـاه بالعطبـه اﭽـويه
...............
شفنـه شواربـه ويسوﮒ بغلـه
وزيـر العائله والقـﭽـق كلـه
مـا يدري الدثـو مغلوب حلـه
رجليـه بالشمس ويشوخـر شبيـه
..............
طلـع من الأمير وﭽـيس عـده
بعـد فوﮒ الوراق يريـد خرده
ثلثين الولد مـن هلـه وجـده
صخونـه تاخذه وسليمـه تطويـه
.................
بدرابين العروبـه دوم موجـود
مركب بالجدر تاريـخ الجـدود
صفت مرﮔـة هوه والفرج مسدود
لو ينكسـر عظمـه البعث نلـﮕيـه
.................
شفنـه شواربـه والـﭽيس محلول
على خضـر العظـام الذيـل مفتول
ينفخـون بخيالـه وعافيـه يـﮕـول
اللحيه ملطخـه مـن الشالتـه ديـه
..............
( ..... ) من الذبيحـه يريـد وذره
يوكلنـه الضرﮒ ويـﮕـول تمره
ﭽـم مـره انبطـح ونعبـر ظهـره
الرﮔـعـه الشـﮓ ﭽـبير وما تّكفيـه
.........
شفـت شواربـه وتغزرت بيـه
لولـه شواربـه ما ﭽـنت الفيـه
21 / 03 / 2011

#حسن_حاتم_المذكور (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات