قصيدة مصطفي النجار: اتهوا

مصطفي النجار

الحوار المتمدن-العدد: 3274 - 2011 / 2 / 11 - 17:08
المحور: الادب والفن
    

امشي يعني اتطرق
احنا في عهدك بيتنا اتخرب
ارحل ارحل يعني اتهوا
دا احنا في حكمك حالنا ادمر
بنقول لسيادتك امشي وسيبنا
نار في غيابك ولا سرقة بيتنا
افهم.. افهم كلمة أكيده
بلادنا خلاص حضنت الحديده
بسرعه .. بسرعه يعني أمر
بلاش لكاعه قوم واتلم
حس بحرقة أب إتهم
ابنه استشهد بنار الغدر
اخلص .. خلص شعب عظيم
احنا مش عايزين حكمك العظيم
اسمع كلمة صدق
انا قلبي في صدرى منك هيهج
انصرف وارحل بكرامه
بعيالك ومراتك.. دي بلدنا بقت خربانه
سوستك نخرت في اجسادنا
بحلفكم بالله يا اخوانا
قولوا يسيبها قبل ما تولع
ده هما حبة جاز وتولع

***

بقولها اتنحي يعني ارحل
مش عايزينك ارحل غور
أول مطلب في الدستور
داوي جراحك يا شعبي
غير صمغك على الكراسي
حط صابونه للزعيم
لجل مايرحل واحنا نام
ووصيه يبدر خطاباته
لجل ما تتستف أوراقه
ويلاقي الجن على دماغه
ويحاسب ويبهدل أبنائه
ويجمد ويصادر حساباته

#مصطفي_النجار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل