قصة آدم

عبد الرضا حمد جاسم

الحوار المتمدن-العدد: 3166 - 2010 / 10 / 26 - 18:05
المحور: الادب والفن
    

قصة آدم
هواي بيها عِبَرْ
تنفع أهوايه بشر
وِرَدْ
بهوايه آيات او سور
أنْ ...رب العرش صَوَرَه بأحسن صور
وحّصنه من المعصيه
وطلب منه... طلب مثل الأمر
لاتقترب من شجرة التفاح
ولاتاكل التفاحه... لن بيها ضرر
وتصيبك أبْشَرْ
كال تأمر....
وهو متبختر أو يفتر
شاف حلوه...مكمله تفر الراس فر
كال هلحلوه شسمهه
كالتله حّوه
كال ونعم الأسم
انتِ للهايم دوه
عجبته.. حبها.. وهام بيها اوكال
لو انتِ لو انتحر
أرتبكت... أو وجناتهه أحمرت... أو جاوبت
أرجوك لاتتهور
أنْتْظر
عندي شرط
كَال أقبل
كَالت.... ناكل التفاحه سوه
بلا تردد كال حاضر
اتأمرين أمر
كَالتله...
تعصي أمر رب العرش
هذا خَطِر
كال طز......شما يصير... خل يصير
أقبل..واتحمل و اصبر وصر
عرفوا هوايه من ربعه وكالوله إحذر
ألله إشكالك... أتذّكر
تره يعاقبك... وينزلك للأرض
ولعنه عليك تظل دوم تفتر
كال طز....
أنه اتحدى وأقبل
ويه حوه وين ما جان
وشلون ما جان
بنار ...إبرد أشعر
ثلج.....أشعر ابحر
سواها آدم وأكل
عاف جنة خالقه وخالف الرب
وكَال أحب.... وبحبي قانع وأفتخر
أو ما أنسحب
هذا أول رد فعل علظلم والغصب
وثوره عارمه بوجه القهر
بيها آدم...قدم... أكبر درس للبشر
معناه... كون حر
ولاتقبل الذل او حاربه وتحرر
أتصرف... أو لاتخضع اولاتنتضر
تتعاقب أقبل
بس لاتقبل العيشه بأسر
فاز آدم
وأنهزم من حذر
آدم تبع حبه
وبدل ملعون صار أبو كل البشر
عبد الرضا حمد جاسم

#عبد_الرضا_حمد_جاسم (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل