العيد مَرْ(مرْ)

عبد الرضا حمد جاسم

الحوار المتمدن-العدد: 3124 - 2010 / 9 / 14 - 09:05
المحور: الادب والفن
    

العيـــــــــــد مَـــــــــر
كَبّر
والفجر
طر
وبالعيد بَشّر
عيدين عدنه بالسنه
عيد الأضحى والفظر
بيناتهن أيام مد أو جزر
وكبل كل عيد... ساعات جر أو عر
الفطر
من دار فتوى ننتظر
يصدر أمر
إكمال عده
لو هلال هل
واليله ما تكعد الناس تتسحر
والأضحى
نستقبله بدم ونحر
كبل كل عيد
ناس دايخه تفتر
ماتدري يحيط بيها خير لو شر
ناس كلوبها...نار
عله الي صار
وعله كلمن ظلم لفه كبر
وعلمغصوب هاجر
لو تهجر قسر
ناس
كلوبها عاصرها القهر
والحزن علمر أو عبر
عيد المفروض بيه الخواطر تنجبر
والحزنان يفرح
وصدور تنشرح
ويتصلح إلي بأيام أخرى أنكسر
عدنه كل عيد البشر
بين كبور تفتر
إن جان برد الوكت لو جان حر
ماي وشموع
وياس ودموع
وصياح مرات مسموع
ومرات ما مسموع
ممنوع
وجن البلكبر للعيد ينطر
خدود وعيون من اللطم والبجي صارن حمر
وتعب وتراب السفر
عيدين عوز اوقلق
وقهر و سهر
وتحضير السفر
وللشعبانيه بعد جم شهر
ومن هسه نتحضر
عيد.....ما ندري علينه شلون مر
لن الفرح سيطر عليه الشر
عيدين عدنه بالسنه
عيد الأضحى و افطر
والناس بين كبور تفتر
عبد الرضا حمد جاسم

#عبد_الرضا_حمد_جاسم (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل