مواويل عراقية

جبار عودة الخطاط

الحوار المتمدن-العدد: 2998 - 2010 / 5 / 7 - 15:07
المحور: الادب والفن
    

( 1 )

نسجت الغيمه
كطنهه
وصار عِـش
اُوكرت بيه الحمامه
وحتـّه لا تتبلل
أفراخ الحمامه بالمطر
طـرّك أنفاسه الشته
لملم عباته
وابُوسطهه
إبتسمت ونامت أيامه

( 2 )

يهيعون القميص الوردي
يحبيّب
مغناطيس حاضن
يا ترف تفاح بستانك
مو لون القميص
ِاليسبي و يهيّب
طلعت بالقميص
إتهلهل ألوانك


(3 )

كـُرسيَين بليل الغرفه
كاعد آني
بأول كرسي
وكرسي إكبالي
جان إلـ ظلي
00000
ومرات أغفه
وظلي يسولف
وَي ظل ظلي
وعلى صوت الضحكات
آني أكعد
روحي إتضوّي
شمعه أتغني
تغازل ليلي

( 4 )

يــلـجمــالــك سُــكـَـر ويـنــثــر فـجــــر
مثــل دم الشـعــر مـن ينـــزف شجــــن
يلجمــالــك غــابــه مـن غـيــم ومطـــر
تسـﮜـي ﮜـاع الـروح وتـخضِّـــر وطــن
والحــواجـب مـرســه يتــوســـد بحـــر
بيــهــه ﮜـلبـي ذايــب وســافــر سُفـــن
إنت معجُـــون إبضــوّه ما اظــن بشــر
مشيتـــك غنـــوّه وأجـــــدامــك لحـــن
ووﮜفتــك فــاصــل وبيـــه مــاع الـﮜمـر
داخ من شــافـــاك وبـوجهـــك صفـــن
وصار شامه إبخـدك وتضحـك سِـحـِــر
شامه بيضه إبوجنه بيضه إشهـلحِسن

( 5 )

دخان ضيمك وحش
ياكل إعيون الضوّه
وكليب قلمي إنجرح
ومحبرته إبلا دوه
يا وطن صارت صدك
الباك عثك النخل
إتساوه
يا حسرتي
وي العشك دجلتك
وبماي دجله إحترك
بسنين جمر الظلم
مو ذوله
جانو تفك
بيد النذل تنتخي
وترست إضلوعي فشك
واليوم رجعو عـَلـَي
صارولي هُمّه الاصل
نزعو جلد وانتجو
تمثالهم من هِـوه
دخان ضيمك وحش
ياكل عيون الضوّه

#جبار_عودة_الخطاط (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات