الصيت ولا الغني

داليا علي

الحوار المتمدن-العدد: 2955 - 2010 / 3 / 25 - 18:12
المحور: كتابات ساخرة
    

فعلا واضح ان الصيت ولا الغني... كنت أقراء في كتاب السيد هيوج كينيدي عن فتوحات العرب,, وفي نفس الوقت أقراء مقالات وتعليقات الأخوة الأعزاء ... بصراحة اختلط علي الأمر وأحسست أنني لا أقراء تاريخ بل حاضر... وللأسف متابعة الأخبار بالتلفاز والجرائد نزلني من سابع سماء متدهولة علي الأرض...
مع متابعة كتابنا الأعزاء والتعليقات العنترية للقراء الأكثر إعزاز... طبعا طلعت معهم للسماء وأنا أقراء كينيدي وصدقتهم وقلت لنفسي طبعا ده إحنا رجاله وستين رجاله.. وسقط من عقلي قرون من البهدلة وتناوب كل من هب ودب علي حكمنا أشي لاوندي واشي تركي واشي مش عارف إيه... كله سقط وحسيتا إننا من قهر الإمبراطوريتين العظمي في ذاك الزمان الغابر وخطف منها الغنيمة التي كانت ترتع فيها قرون طويلة نسينه من كثرها عددها علي رأي حسين رياض.... وقلت القوة النووية التي امتلكها شويه الضعفاء اللي ما نوا يركبوا الحصان حتى بسرج قوتهم النووية طبعا أخضعت العالم كله وان كانت من ساعتها ما قامت لهم قومه لأننا بس مش شايفين أمال يعني الأصدقاء الصدوقين الصادقين مش ممكن ها يخترعوا ويكذبوا مش ممكن طب لو كذبوا دول السي اي ايه ها تكذب ليه لا إحنا قوي جبارة بس مش وخدين بالنا نركز شوية ها نشوف أسلحتنا الجبارة
طبعا لازم اصدق إننا بجلالة قدرنا وقوتنا الخفية ها نرعب العالم وها نركعه كده وان لم يحلف ويتحالف ويقول أمين والله العظيم أمنت مش ها نسيبه وها نبهدله مش ها يكون بالكلام والهلام لا بمخترعاتنا السرية الخفية كله ها يظهر ويبان عليه الأمان وها نوديهم وراء الشمس أمال إيه مش شايفين الغرب كيف يترعب مننا أزاي مش شايفين الهوس اللي مخلي كل الكتاب تقول أغيثونا المسلمين العرب ها يكلونا
يعني تفتكر ها يكونوا خايفين من إيماننا وقلة حيلتنا وعشان كده بين داروا علي قممنا وتاريخنا ولغتنا طبعا مش ده اللي ممكن يخوف أصحاب الاستراتيجيات والقوي والنووي والبيولوجي تفتكروا خايفين من القران والسنة والكلام هو يعني الكلام ها يقتل لا طبعا دول خايفين من النبل النووية الخاصة بنا نحن العرب مش إحنا برضوا اللي من 1400 عام اجتحنا العالم بالنبل مش بالإيمان وأخضعناهم كده بالصلي علي النبي بقوتنا الجبارة في ذاك الزمان نفس القوة هي اللي ها تنط وتفط ... طبعا ترسانات ننويه مستخبيه آمال يعني كانوا بيروحوا العراق وأفغانستان ليه .. بس إحنا بفهلوتنا وبقوانا الخفية ملبسنها طاقية الإخفاء ولكن ها نبهدلهم بس نخلص كباية اللبن اللي في أيدينا ونسب أيدينا من الغسيل اللي أمامنا وها نروح نوريهم أمال أيه ده إحنا اقوي من النابلم ويمكن كمان من سنجام.. طبعا إحنا مستخبين بالعفار والجهل وادعاء التأخر لكن هم لا يعرفوا أسلحتنا الانوية علي رأي يوسف بك وهبي... السلاح الانوي جاهز ومستحضر لهم أمال هم نسوا قنابل ماري منيب العنقودية وأشعة الهلام الانوية ... يعني تفتكروا هما خايفين منا وعملنا البعبع من شوية لا طبعا.. ده بكره ها يعرفوا ان بيل جيتس وكل صناع النووي والانوي عرب بس متخفيين وعاملين غربيين
بكرة ها يشوفوا كل محاربي أغنية الحلم العربي ها يعملوا فيهم ايه دول مدججين بالسلاح الخفي وها يفجروهم من الضحك اقصد بالقوة الخفية
وطبعا قررت استمر في القراءة ما بين كينيدي وأحبائنا لاكتمل التسليح النووي وابعد عن هؤلاء المتخلفين اللي جهلوا كل هذه الأسلحة الفتاكة العربية وعماليين يشوهوا صورتنا في كل الوسائل كما لو كنا مفلسين لا نملك لا علم ولا جيش ولا قوة حتي نتفاوض بها ويوهمونا إننا بناخذ علي دماغنا كل يوم بس مش مشكلة ما هو ده جزء من التخفي والصيت ولا الغني وإحنا عايشين علي الصيت سبنا لهم الغني يشبعوا بيه بقي


تشجعوا العرب قادمون ها يبهدلوكم خافوا منهم بس بصوا كويس للساعة وشدوا اللحاف.

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل