أوتارٌجبهويه *

حامد كعيد الجبوري

الحوار المتمدن-العدد: 2951 - 2010 / 3 / 21 - 19:48
المحور: الادب والفن
    

لعب بيه زماني
وهدَني...
تراهو الدرب مو ياهو اليدوس
أيدوس ...
وتراهه الدنيه جذابه
وتراهو كل زمط جذاب
متخورِس ألساني ، ومايعرف أعتاب
مابيني لبينك درب ماينشاف
مابيني لبينك بحر..
تيَّه ، ألف سفان
مابيني لبينك ، جرح هلهوله وخناجر
ومشت بيه الجدم دربك
يالدربك ، سوالف حلوه ماتنعاف
وضحك بيه الكلب صوبين
صوب البجه كل شامت...
وصوب الضحك أعيون النشامه ...
وهلهلت للطيب
يمه جلماتج عزيزه...
يالتمشي الدرب دربين...
درب اللي تريده الروح
ودرب اللي تريده الناس
ويايمه الشمع شمعين...
شمع اللي بجه الروحه
وشمع اللي يظل نبراس
ويايمه الجرح جرحين...
جرح اللي يورثَـك ذل
وجرح اللي يشيل الراس
ومرت أسنينج يدنيه
وكبرت أبروحي الوصيه
وظل عله أكليبي سؤال
أبيادرب أمشي ييمه
أبيا شمع أضوّي ييمه
ليا جرح أضحك ييمه
وخدرت الجلمات بيه
وماتت أبروحي الوصيه
وصوت أمي ، أشما أريد أسكت ...
يطك بيه الحجي نهران
وصوت أمي أشما أريد أغفه ...
يوِّج بيَّ الشمع نيران
شسوِّي والدمع سوله
مابين عيني وعيونك حواجز
مابين عيني وعيونك ...
ألف عين وعين
وأعتنيتك يالفرات
عود يخضَر العشك بيه
وكوّرت روحي أبسواجيك حمامه
يالفرات ، وما أظن أبوجه ضيفك ...
نشف مايك
ولا صيهود دجلتنه
يشكن بالليالي أطيوف
ويعت النجم لذياله
ويلملِم...
مضيف التيه الدله ونسه الفنجان
(حبيبين ، صارولي حبيبين
واحد أبهل العين أضمه
أواحد أبهل العيين)2
وبلجي من طيب الحبايب
روجه تمشي أبلا نهر
تشتل الدنيه وفه
أتروّي كيعانك وفه
وحتى كل الناس بالحب
تاكل وتشرب وفه...
وحك شفة حبيبي البعطش ذبلت
وحك شفة حبيبي الذبلاهه الصبر وبنادم
لضوّي أدروب الولايه
وأنذرك ياكلب سجه



1 : كانت هكذا قرائتي لما يسمى بالجبهه الوطنيه
: من قصيده للشاعر كاظم الركابي

#حامد_كعيد_الجبوري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل