جيل بلبع

طلال الشريف

الحوار المتمدن-العدد: 2861 - 2009 / 12 / 17 - 20:32
المحور: الادب والفن
    

عجوزة بحارتنا قالتلي

يا دكتور هادا الجيل ايش بدو ينفع

قلتلها يا ستي :
هادا الجيل كتير ممكن ينفع

قالتلي :
والله جيلكو كان تفكيره أرفع
والله يا بني كنتو أروع
لكن جيل اليوم كله مدلع
انتو شفتو فقر كان مبعبع

قلتلها:
يا حاجة جيلنا شاف فقر مبعبع
بس جيل اليوم شاف اللي أفظع

قالتلي:
شو شاف يا بني هذا الجيل
قلتلها:
شاف ياستي قنوات فضائية بتخلع


قالتلي:
يابني جيل اليوم جيل مطرقع
انتو يا بني جيل كان ياكل شوي ويشبع

قلتلها:
يا ستي هدول جيل منوع
بس جيلنا كان غلبان ومسلوع

قالتلي يا بني :
كان البس ايامنا بيمسك الفار أسرع
بس في جيل توم وجيري صارت القصة مش مين الأسرع

قلتلها:
والا ها يا ستي كيف مش مين الأسرع

قالتلي:
مين اللي عندو حيل أفظع
إنتو يا ستي جيلكو كان بحترم النسوان

قلتلها :
وجيل اليوم مالو مش زي زمان

قالتلي:
جيل اليوم بقول بدو حقوق انسان بس بيدوروا عالنسوان

قلتلها :
وايش كمان

قالتلي:
بيقولوا عن حالهم جيل دمقراطي بس كلهم خراطي
وبيقولوا انهم جيل الشفافية وبيسرقوا الطاقية
والأدهى وأمر بيقولوا انهم جيل الدولة الفلسطينية
هي يا بني وين راحت صبحيه

قلتلها:
هيها يا ستي صبحية

كشرت وقالتلي:
دشرنا من هالجيل يا بني هادول جيل بلبع

قلتها:
يا ستي ايش يعني جيل بلبع

قالتلي:
هادا جيل بياكل ما بيشبع
وبتنده عليه ما بيسمع
وبتبعتو مشوار ما بيرجع
وبيرقوصوا عموسيقا قبع قبع
وأبوك هنا وإلا ودع

#طلال_الشريف (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل