الازدواج في الزواج

جهاد علاونه

الحوار المتمدن-العدد: 2720 - 2009 / 7 / 27 - 09:18
المحور: حقوق المراة ومساواتها الكاملة في كافة المجالات
    

- ليش المرأة ما تتعدد بالأزواج؟

- كيف ما بصيرش.
-وليه ما بصيرش؟

- على شان الأمراض, أكثر من شخص يقوم بالقذف في المرأة , بتسببلها في أمراض.

- مثل إيش؟
- الإيدز.
- مش صحيح هذا الحكي مو ثابت علمياً.
- في أمراض أخرى, وفي خلط أنساب , يعني إذا تزوجت المرأة من أكثر من رجل , وحبلت وأنجبت طفل, لمين بدهم ينسبوا الطفل؟
- للأم.
- للأم!!
-آه للأم , مش ربنا يوم القيامه بنادينا بأسماء أمهاتنا, بنكون واقفين على الدور واللي بطلع إسمه مع اسم أمه بقول حاضر أنا موجود.
- آه صح.
- طيب ليه ما تتخذ المرأة أكثر من زوج, وأن يسجل الطفل بإسم أمه.
- شو بإسم أمه إنت التاني شو إنت أهبل ولّا بتتهبل؟
- لا أنا مو أهبل بس هيك أجت معي .
-ما بصير هذا خلط بالأنساب.
- طيب ما هو مجتمعنا كمان بخلط بالأنساب, الأطفال يسجلون حسب أسماء الآباء , وبنسوا الأمهات , بس بذكروهن هيك من باب حفظ الحقوق المدنية .
- شو حقوق مدنية إنت الثاني , هذا شرع رب العالمين.
- طيب إنت حضرت مسلسل (يحيا الفخراني )(عباس الأبيض في اليوم الأسود) هذا فكرته تدور حول إمكانية وجود الأب الإجتماعي وليس البيولوجي.
- شو مسلسلات ما بشوف.
- ما هو التاريخ البدائي هيك كان, كانت المرأة تتعدد بالأزواج , وكان الآباء آباء اجتماعيون فقط وليسوا بيولوجيين , يعني زي فكرة الأب الروحي , والآن كثر الطلاق والزواج, جعل الأسرة تعيش من أب وأم وأولاد مختلفي الآباء, كلهم مع (مامتهم).
- هذا مجتمع بكون منحل أخلاقي.
- طيب يا ..الرجال يوم القيامة يتزوجون من أكثر من امرأة , من وحده ثنتين ثلاث ميه 100 هذا خلاف الحوريات والولدان المخلدون, صح.؟.
-صح شو فيها ؟
-أنا ما قلت فيها إشي , بس بدي أسأل عن مصير الزوجهْ المسكينة , التي صامت وصلت وعبدة الله, ولم تخن زوجها بالغيب , كل هذا لقاء الجنة , وبالتالي كمان جوزها يوم القيامة يتزوج عليها , يعني هاي مكافئتها ؟ يتزوج عليها بالدنيا وبالآخرة؟
- هذه إرادة الله.
- والنعم بالله , بس يوم القيامه لازم المرأة تنكح ما يحلوا لها من الغلمان المخلدون.
- استغفر الله العلي العظيم.
- يا رجل أنا ما كفرت , أنا بس أتساأل.
- كل هذا وما كفرتش, هاظا لو بدك تكفر لعاد شو بدك إتقللي؟
- ولا إشي , بس والله شغله عن جد إمحيريتني , أنا بعرف في الدنيا هنالك أمراض , وابتلاء , صح؟
- صح.
- وبالآخرة ما فيش أمراض ,صح؟.
- صح.
- يعني معناته ما فيش مشكله لو نكحوا المرأة أكثر من واحد يكونون أزواجا للصالحات الصابرات, انا بس بسأل مجرد سوآل .
-ما بصير هذي مش إرادة الله.
- أحكيلك شغله بس لا تزعلش مني ؟ مجتمعنا مجتمع ذكوري , ولو كان قال محمد لصحابته هذا , ماكان دخل واحد في الإسلام , يعني لو وعد النساء بأزواج يوم القيامة , لما قاتل معه رجل واحد في بدر وأحد والخندق.
- هاي وجهت نظرك , وانا بصراحه ما بحترمهاش ولا بحترم الإنسان إللي فكره مريض زيك.
- إحسبني مريض وعالجني (داوني بالتي كانت هي الداءُ).
- ما هو شغله إبتوخذ العقل وبتقلب طاقية الراس, وبتقلب المخ , في الدنيا ممنوعه المرأة من الإزدواج في الزواج, على شان الأمراض, طيب في الآخرة يوم القيامة في الجنة , ما فيش أمراض , يعني هالمسكينة لو بدها تشتهي زي الرجل شخص ينكحها , ليش يعني ما يكون محلل إلها ؟
-إانقاش معك عديم الفائدة , ولا يسأل المجرمون عما يفعلون.
-يا زلمه شغله بتحيير , اسألك سوآل أخير؟
- إتفضل .
- إنت متزوج على زوجتك؟
- إنت عارف , طبعاً متزوج.
- طيب شو شعورها , بس تدخل مع الثانيه على غرفة نومها وتغلق الباب خلفك , تخيل شعورها .
- ما بعرف , بس هذا شرع الله .
- طيب والنعم بالله , بس شو شعورك لو كان الموضوع عكسي .
- كيف يعني عكسي؟.
- يعني لو هي أغلقت الباب على رجل في غرفة نومها وإنت عارف شو بساووا شو شعورك؟
- والله إنك واحد معتوه .
- ماشي معتوه , بس شو ردة فعلك , مش في هنالك جرائم شرف ؟ واللي بلقى رجل في غرفة نومه وقتله بكون دفاع عن الشرف؟ طيب ليش ما تدافع المرأة عن شرفها وعرضها , يعني شو شعورك بالنهاية وزوجتك في غرفة نوم أخرى تضاجع شاب حلو ووسيم .
- أي والله ببحها وبذبحه .
- طيب لا إتشدش إكثير على أعصابك على شان لوزك ما ينزلنش, بس عن , صدقني إنه شعور المرأة نفس شعور الرجل , كيف تأتي وحده هيك وتاخذها زوجها وتدخل فيه على أوضه تانيه ويمارسوا الجنس والحب , والله شغله بتحير , بس عنجد كلنا خلينا إنفكر فيها .

#جهاد_علاونه (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل