زهير دعيم
الحوار المتمدن-العدد: 2508 - 2008 / 12 / 27 - 06:17
المحور:
الادب والفن
موّال
يا ظالم بالجفا قلبي حرقتو
ورُحت بعيد وعَ المفرَق تركتو
يا ويلَك من جُرح قلبي وصمتو
يوم يعود على متن السّحاب
همسات شفافَكْ بتقول
انتِ على بالي
مهما هجركْ والله يطولْ
ما بتبقى عزّابي
وين الوعد وينو قولْ
يا أغلى أحبابي
اتذكَّر أيام كُنّا زغار
والجرّه عَ كتفي
من الميّه كُنت عم بتغارْ
شو نسّاك يا ولفي
يا ريت اللي صار ما صارْ
وما كتّرو غيّابي
ما ْبْترجّى يا قَمَرْ
وما بْركَعْ عَ بابَكْ
عزّتي فوق البَشَرْ
ولو فاضو دمعاتَكْ
بكره بدور السَّهَرْ
وبنسّيني أصحابي
#زهير_دعيم (هاشتاغ)
كيف تدعم-ين الحوار المتمدن واليسار والعلمانية
على الانترنت؟