إلى إحيمر الثوري ضد إحيمر السياسي (بتاع لا نسبية أحمد وحاج أحمد)

المنصور جعفر
(Al-mansour Jaafar)

الحوار المتمدن-العدد: 2363 - 2008 / 8 / 4 - 10:43
المحور: التحزب والتنظيم , الحوار , التفاعل و اقرار السياسات في الاحزاب والمنظمات اليسارية والديمقراطية
    

يا زهير يا زناتي

مسؤول الصلة ومسؤول الإعلام في اللحظة دي:

قول للبطل أحيمر ما تخاف على الحزب

من كلامي الخفيف

نقد والشفيع خضر قتلوا الحزب من زمان

وإنتا وأنا أعضاء في وهم

جثة سليمان الملك متأكلة وقوفها مع وقوف ومتاكلة عصاه

قول ليه

ما تخاف على حصيلة

نضالك

أوحصيلة

إغترابك

الحزب سمموه

والبلد أهي

زي ما شايف

مصارينها إتقطعت بالسم

وبنوكها زايدة

فما تخاف على الحزب

النظام ليبرالي

والحزب ما عنده حاجة يتخاف عليها

فالحزب ما عنده

نشاط مدني منظوم

ولا عندو نشاط عسكري سري ولا علني

ولا عندو نشاط ثقافي معلوم مخطط شغال

والحزب الشيوعي قول ليه يالزناتي

بقى ما عندو نشاط نقابي

ولا نشاط نسائي

ولا إتحاد شباب

وجريدة النت كتابها

نفرين تلاتة

وأنا ممنوع منها

قول ليه الحزب ما عندو نشاط تعليمي

ولا محو أمية

ولا طربيزة فول بالمسا


ولا كفتيرة شاي

تقغد فيها كل يوم طالبة أو زميلة

قول ليه الحزب في المسا

أخر لطافة و مودة

مسؤولنا السياسي

العلم النفساني د. محمد الحسن القدال خاطب عندنا الإجتماع المؤتمر

جماعة وجهرة

وهو راجل حكيم وفصيح وبتاع نكتة

قال إنو علاقة نقد والسفيرة البريطانية تمام التمام وشبه يومية

وأنا (ذوالنون) ما عارف اللجنة المركزية والمكتب السياسي خبرهم شنو؟

لكن

الخبر الصاقعة غطوه ببسمات وهمهمات


قربت تفوته مننا نحن البسمونا المتطرفين أصحاب الصلة اليومية بأوربا وببريطانيا

فعرفنا بالصدفة

إنه الناس ديل نقد والشفيع خضر


قتلوا حقيقة الحزب زمان


الله يرحمنا يا إحيمر


عايشين الزيف

في الزيف


قول ليه


يا الزيناتي

الحزب ضربوه مع التكتيف

ومع التأجيل

ضربوه بالإدمان

والنسيان

والحزب علاقاتوا الخارجية تلاقيط

وعلاقاتوا الداخلية

الله يرحم علاقات الشيخ الجليل شيخ الوطنية والإسلام محمد بخيت "حبة"جات

مع طلائع النضال والثورة الشعبية

والدغش الطالع على الشعب

طلعت علاقات أظنها علاقات باردة ديبلوماسية

لا ثورية ولا سياسية

قول ليه معليش يا إحيمر

لكن محمد إبراهيم نقد

والشفيع خضر سعيد

الإثنين مع بعض وفرادي وتصريحات وخطب مقرقرة ومفرغة

قول ليه مكرر الإثنين

قتلوا الحزب

معليش ياإحيمر

لكن ما في حتة منظمة
إتفتحت لنقاش الكلام ده ولا حتتفتح

وأنا كادر و متكدر بيه 25 سنة في عمري الصغير القصير الحينتهي قريب ده

كله كلام طويل بلا فائدة حقيقية ملخصة

أو كلام قصير سكوني وعمومي ودلع لا بيجيب

لا بيقيف لا بيقع

منحنح

مغتغت وخمج

معليش يا أحيمر
معليش يا أحيمر

حزبنا بعد ستين ىسنة

إنحصر

ودع أولادك

يا إحيمر

طلع سكين المطبخ والساطور

وورقة وقلم

وعندك موبايل
وبنزين كتيير وعربية

بدل الصلاة مع.. العميل

ومع الحقير

ولولوة عقلية الخفير

أحرق وشه بجالون وكبريته

أدعم الثورة

في الشرق أو في الغرب أو في الجنوب أو في الشمال

بقطعة سلاح

بخمسة دولار

أو برصاصة

حق تضربها في خد زول لئيم

زمان بال على راس زميلك

وضحك في الشغل على تقديرك

وفي السوق غلاك وفلسك

وفي والعلم

جهجه الفي راسك وكراسك وورقك

خلاك في رأيك سياسي

نصف فكي

نصف مناضل

نصف مجهجه

ونصف

مافي

متحالف مع قرنق

تحي قوميته

وفي الصباح زي نقد كل جريدة كل ندوة

أنا دنقلاوي

أنا دنقلاوي

عقد أهلنا

فماتخاف في يحموم الخراب ده على الحزب

ما يحيصل أكتر من كده

فهو حالياً

ما في

النضير المثخن بالطعنات

صاحب الإسم المية في الأسماء الحسنى : تاج السرجعفر الخليفة

بيتكلم عن الموت قال:

الموت أن لا يدري المقتول معنى أن يموت**** أو أن تموت على يديه قضية كبرى .
ه
فيا أنحنا المتنا ولا الحزب المات

الإحتمال الأكبر

الإثنين


قتلوه زمان بتناقضات أحمد سليمان وتناقضات الشهيد عبد الخالق(إلا كان بقى عند بعض المعجبين والموالين رب أو نبي أو ملاك)


الحزب الهمشوا

كادروا


وفعلوا مضارع

اللجموا سلاحه

وخيله تناهد

حزبنا الما عندوا لمبة وطربيزة فول

قايد الحزب بحاول يقيس طبيعة الإيدولوجيا نظام التفكير وترتيبه

وفق (منطق الثقافة العربية) ما عرف وهو دارس الفلسفة إنه منطق الطير أمهري وإنه منطق الكلام يوناني وإنساني زي علامات الحساب!!)

طلعها

"حكمة القوم

و"المخيال"و

وحاجات وهم كده

بيستهلك في الكلام ..يمطغوا ويتفوا


أها الليلة مخيالو وحكمة قومه

في الصراع الطبقي -القومي-الإقليمي

إنه

أحمد ما حاج أحمد
..


وإنت يا أحيمر برة دارفور والشرق والجنوب والشمال وباقي الغرب لسه خايف على الحزب

الأنحنا عايشنوا ده

تحنيطة حزب

بس بدون فورمالين

إنت عارف لينين قسم حزب العمال الإشتراكي الروسي ليه

لأنهم بقوا

زي الجماعة ديل

بس جماعتنا ما عندهم طرح عديل حقهم

كلها لولوة:

الرأسمالية حلوة والرأسمالية حنينة والراسمالية تمام

الرأسمالية طلعت في الغرب بثورات ميات السنين ضد التخلف والإحتكار

وسببت نعمتها هناك بخرابها هنا

فعشان كده ضرورة

الإشتراكية في موارد الحياة وفي السلطة

يارفيقي إحيمر

ما بتجي بأخوي وأخوك

أهلنا الغرابة والشراقة والشمالةوالنوبا والجنوبيين

راجينك يأحيمر

تقول لي منتظر المؤتمر؟؟

أديه ناسه

ناس أعتقد وفي اللحظة دي
وحقيقة إنه

إنت شبه مؤتمرات ؟!

شيل سلاحك

حدد مصيرك في إتجاه حركة الحزب وضعية نضالك في المجرى العريض
شق تيارك
ما إنت نيلك أزرق وبحري

اللهم جنبنا وأكفي عنا

شر قحطك

شر فيضانك

شر تفكيرك

يعيش الحزب الشيوعي السوداني

أحمر

يعيش النضال

البنوك كتيرة والحساب قدام
-----------------------
-----------------
-----------
-----

المنصور جعفر

#المنصور_جعفر (هاشتاغ)       Al-mansour_Jaafar#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل