زهور العتابي
الحوار المتمدن-العدد: 5998 - 2018 / 9 / 19 - 17:33
المحور:
الادب والفن
يا وَطن ....
شبقَه
منَّك بعد مامَنهوب !!
والنباك منَّك
يا عراق انباك منّه ♧
وخيرك
صفَه للغير !!
وسفَه وما هو اَلنّه♧
وناعورَك يدور
بلايَه عِرفَه بلايَه ماي !!
وصَبخة صفَت
ياحيف كاعج يهَلنّه ♧!!
شنحجي بَعد !؟
شنكول !؟
مو حتى
صندوك العِرس باكوه !!
لا فَرح ..لا ذكريات
ولا جلمات حلوَه البقت منَّه♧
وليلَك ....
ما هُو ذاك الليل!!
لا مسامَر لا حِلم لاسَهر !
وصفَه ويّ
النجم شاحِب كمرنَه♧
وبعد كِلّش
ما فززنه يوم
الفَرح وي طَرّة فَجرنَه♧
المشاعر
و ويّاها الاحساس
شالَن !
ظل بَس الشِعر
بحركَه وقهر يتغنّه بحزنَّه♧
نكَت بينَه الزِمان
وفَرنَه دولاب !!
جِنّه وين...و وين صرنَه♧ !!
صفينَه
مثل صَرخة الغَركان !!
اليِصيح ....
بصوت من بعيد
مَخنوك
وين اخو خَيته !!
الينتِشلّنَه ♧♧
ويرد
الراح مِن هيبة وَطنَه ♧
#زهور_العتابي (هاشتاغ)
كيف تدعم-ين الحوار المتمدن واليسار والعلمانية
على الانترنت؟