أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم

الصفحة الرئيسية - العلمانية، الدين السياسي ونقد الفكر الديني - خالد الكيلاني - إيه اللي حصل ... وإزاي حصل ؟!!! . الخطة ... 1














المزيد.....

إيه اللي حصل ... وإزاي حصل ؟!!! . الخطة ... 1


خالد الكيلاني
الحوار المتمدن-العدد: 5543 - 2017 / 6 / 6 - 16:59
المحور: العلمانية، الدين السياسي ونقد الفكر الديني
    


إ
عاوز تعرف الفرق ؟
بسيطة جداً...
شوف مصر قبل ال 40 سنة اللي فاتوا ، وشوفها دلوقتي .
قبل مصر ما يصيبها مرض التأسلم وتسويد نمط مغلوط من التدين ، كانت مصر إزاي ؟
رُقي وتحضر وذوق
إحترام وأدب وأخلاق
وطنية وانتماء واستعداد للتضحية بالروح علشان الوطن
لا كان فيه حاجة إسمها " صحوة إسلامية " ، ولا دين وهابي ، ولا كان فيه جلاليب ودقون ، ولا كان فيه حجاب ونقاب .
ولا كنا نعرف مين مسلم ومين مسيحي
ولا ميكروفونات بتزعق في الشوارع ليل نهار
ولا دعاة ماليين الفضائيات
وطبعاً لا كان فيه قتل ولا تفجيرات ولا أحزمة ناسفة ولا عبوات مفخخة .
ومكانش فيه حد بيجبر حد على " التدين "
والتدين غير الدين
الدين في القلوب ، لكن التدين مظهر وقشرة خارجية .
الإيمان ما وقر في القلب وصدقه العمل .. ده كلام رسولنا الكريم عليه الصلاة والسلام .
تعمل إيه يا ديڤيد ، تعمل إيه يا ديڤيد علشان تهد الشعب اللي عبر وحقق أعظم إنتصار في التاريخ .
بسيطة ... دمره من الداخل ، وإنسف كل القيم النبيلة اللي خلته أعظم شعب في التاريخ على مدار 7000 سنة .
إعمل جماعات إسلامية ، ورجع جماعة الإخوان .
خليهم يفهموا شعب أغلبيته مسلمين إنهم مش عارفين دينهم ، وفهمهم انت الدين الحقيقي ... خرج الدين من قلوبهم وطلعه على أجسامهم ... لحية ، حجاب ، نقاب ، ميكروفونات وشيوخ ودعاة .
وفهمهم إن ده هو الدين ، وإنه غاية المراد من رب العباد .
إوعى تجيب سيرة أي قيم تانية زي الصدق والوفاء والإخلاص وإتقان العمل والخلق الحسن ، أو إن ربنا بيحرم الغش والفساد والخيانة والغدر والكذب وفظاظة اللسان وغلظة القلب .
إوعى تجيب سيرة حديث الرسول " الدين المعاملة " ، إحنا عاوزينهم يعاملوا بعض أسوأ معاملة ... علشان في المرحلة اللي بعدها عاوزينهم يكفروا بعض ويفجروا بعض ويقتلوا بعض بعد ما نفرقهم لشيع ومذاهب ومسلمين وكفرة .
ركز على التدين يا ديڤيد ونسيهم الدين ... وما تقلقش إحنا هنساعدك ونشغل معاك ناس من عندهم ، كمال أدهم وعثمان أحمد عثمان ومحمد عثمان إسماعيل وعبد العظيم لقمة وعمر التلمساني ، وكتير غيرهم .
ما تقلقش من الفلوس ، السعودية موجودة
وما تقلقش من التدريب والسلاح والدعم اللوچيستي والمخابراتي ... بريطانيا والأمريكان هيقوموا بالواجب ... وبعد شوية هنخلي ألمانيا وغيرها معاك .
وهنعملك حروب بإسم الإسلام وناخد متطوعين بعد ما نغسل دماغهم يتدربوا في أفغانستان والشيشان وغيرها .
أه نسيت أقولك ... ما تقلقش من الاتحاد السوڤييتي علشان هنفككه ونفصل منه كل الجمهوريات اللي فيها مسلمين ، دي هتكون أرض خصبة للتدريب وجلب المتطوعين اللي هيقاتلوا في العالم كله بإسم الإسلام .
أه نسيت أقولك كمان ... متقلقش خالص على إسرائيل ، ولا حد منهم هيقربلها ، هنفهمهم كده . هنخليهم يقولوا بنفسهم إن حربهم مع أهلهم مش مع إسرائيل .
بتسألني طب وبقية الوطن العربي ... ما تنساش يا ديڤيد إن أي حاجة تزرعها في مصر هتلاقيها منبتة تاني يوم في كل العالم العربي ، ركز إنت بس على مصر ومتقلقش ... كله جاي .
إيه مشكلتك تاني ؟
مصر فيها فن وأدب وغنا ومسرح وسينما وقوة ناعمة بتسيطر بيها على العالم العربي ؟
طب وإيه المشكلة هنهدلك كل ده ونعمل اللي كان بيحذر منه عمك فؤاد قاعود لما قال : " بيعلموا الأطفال الغثاثة ، علشان لما يظهر أي فن جيد ، ترفضه الأطفال ، من غير تدخل من بتوع الإعلانات ".
أه صحيح متخافش من الأنظمة ، هنخلي كل ملك ورئيس فاهم إننا بنحمي الكرسي بتاعه ، وهنفسدلك الحكومة والشعب ... علشان إنت عارف يا ديڤيد إن الفساد هو المناخ الوحيد اللي نقدر نضحك عليهم فيه ، ونلم الناس حوالين " الصحوة الإسلامية " ونرجعهم للإسلام .
إشتغل بهمة يا ديڤيد علشان إسرائيل تعيش في أمان .
وبكرة يا ديڤيد هنقولك على باقي الخطة .
أعجبنيعرض مزيد من التفاعلاتتعليقمشاركة





رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 2,921,904,519
- خالد الكيلاني يكتب : قصة مشادتي مع وزير خارجية قطر الأشهر
- الميكروفون واللافتات والإسلام الجديد ... وأنا ( الحلقة الأول ...
- خالد الكيلاني يكتب : قراءة هادئة في قرار ترامب بمنع مواطني 7 ...
- خالد الكيلاني يكتب : لماذا العاصمة الجديدة ؟
- حقوق الصحفيين قبل حرياتهم يا أستاذ إبراهيم
- خالد الكيلاني يكتب : يصل ويسلم
- خالد الكيلاني يكتب : عن الحرية الأمريكية
- خالد الكيلاني يكتب : زي النهاردة من 5 سنوات
- خالد الكيلاني يكتب : رسالة مفتوحة لرئيس البرلمان ... الدستور ...
- خالد الكيلاني يكتب : الفن للوطن
- خالد الكيلاني يكتب : ممدوح البلتاجي ضحية صفوت الشريف ورجل مب ...
- خالد الكيلاني يكتب : تحيا مصر العربية
- خالد الكيلاني يكتب : أرجوكم ... لا تغرنكم المظاهر
- خالد الكيلاني يكتب : قصة حوار مع الأمير سعود الفيصل
- هل المطلوب أن يحمي القانون الكذب المتعمد ؟!!!
- بيان صحفي حول ما ورد بتصريحات منسوبة للمستشار زكريا عبد العز ...
- يا ترى إنت فين يا أوباما ( قصة قصيرة لكنها حقيقية )
- خالد الكيلاني يكتب : المجمع العلمي ... الجريمة والعقاب
- الأناضول وما أدراك ما الأناضول
- خالد الكيلاني يكتب : الدفاع عن الله ... والغيرة على الدين


المزيد.....




- دعوة مستشار الرئيس المصري السيسي للشؤون الدينية لزيارة المسج ...
- الملك عبد الله يعلن أمام المنظمات اليهودية شروط السلام بين ف ...
- رئيس موريتانيا: الإسلام السياسي أكبر مأساة للعرب وإسرائيل أك ...
- هيلي: إيران تستغل الشعارات الدينية وأنشأت مركزاً بالعراق لتد ...
- وزير التعليم السعودي: مناهجنا بريئة من الفكر الإخواني... وب ...
- عمدة بإندونيسيا يأمر المسؤولين بملازمة المساجد للتواصل مع ال ...
- أكراد سوريون: ليس بوسعنا احتجاز الأسرى الأجانب من تنظيم الدو ...
- أكراد سوريون: ليس بوسعنا احتجاز الأسرى الأجانب من تنظيم الدو ...
- رئيس موريتانيا: الإخوان سبب تفاقم المآسي في عالمنا العربي
- ميسي يرد على رونالدو ويكسب معركة الروح الرياضية


المزيد.....

- فلسفة عاشوراء..دراسة نقدية / سامح عسكر
- عودة الديني أم توظيف الدين؟ المستفيدون والمتضررون / خميس بن محمد عرفاوي
- لكل نفس بشرية جسدان : الكتاب كاملا / أحمد صبحى منصور
- الطهطاوي وانجازه المسكوت عنه / السيد نصر الدين السيد
- المسألة الدينية / أمينة بن عمر ورفيق حاتم رفيق
- للتحميل: أسلافنا في جينومنا - العلم الجديد لتطور البشر- ترج ... / Eugene E. Harris-ترجمة لؤي عشري
- الإعجاز العلمي تحت المجهر / حمزة رستناوي
- العلاقة العضوية بين الرأسمالية والأصولية الدينية / طلعت رضوان
- أضاحي منطق الجوهر / حمزة رستناوي
- تهافت الاعجاز العددي في القرآن الكريم / حمزة رستناوي


المزيد.....
الصفحة الرئيسية - العلمانية، الدين السياسي ونقد الفكر الديني - خالد الكيلاني - إيه اللي حصل ... وإزاي حصل ؟!!! . الخطة ... 1