أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم

الصفحة الرئيسية - كتابات ساخرة - يحيى الحميداوي - انجيلا ميركل ما تنطيها !!!





المزيد.....

انجيلا ميركل ما تنطيها !!!


يحيى الحميداوي

الحوار المتمدن-العدد: 4226 - 2013 / 9 / 25 - 19:46
المحور: كتابات ساخرة
    


ميركل فازت بدورة انتخابية ثالثة هذا ما صرح به (خضير كاوسكي ) في جلست السمر اليومية التي حشرت نفسي كضيف فيها تابعا للحجي أبو محمد ,تأفف الحجي مخاطبا كاوسكي
-أنت تعرفها ميركل !
حجي أشلون ما أعرفها غير المانية من كرابت هتلر
-دسكت من كرابت هتلر ! مو همى عرب حتى واحد يسلمها للاخر بالوراثة ,أشمالك لو تعرف السالفة لو تسكت!
-دسولف أنت يحجي أحنا معتمدين على أخبارك التازه
-مثل ما كلت خضير ,فازت ميركل هاي المستشارة الألمانية ,لكن فازت موعبالك هيج هيونطه وضحك على الناس وماننطيها , لا يبوي هاي مرّة ما تلحكها الزلم ,اشتغلت بصورة صحيحة كانت تعمل عاملة بمطعم في فترة شبابها وبعد ماحصلت على شهادة عالية (دكتوراه) عملت بشهادتها وهاي الشهادة عبالك مثلنا بالتقسيط ,يعني ثلاث أدوار من الامتحانات يلا الطالب ينجح لايبوي دراسة صدك .تحجي الماني وروسي وانكليزي ,والنوب معرسه مرتين ,وشوف المصيبة السوده من فلك طرها هي من طائفة يسموها (بروتستانتية) والحزب مالتها أصوله ( كاثوليكية )يعني شوف الناس إلي الله يحبها ما يهمهم شنو دينك لو طائفتك !
المهم تشتغل صحيح وتخدم بلدك
_حجي يعني شلون ماعرفت السالفة ؟
- خضير أنت مخلصها تصعد أشتايكر وتاخذ أكباله رمل ودبلات طابوك شلون راح افهمك ! لكن راح أقربلك الصورة ( أني ساكت خوفا من الحجي لا يلصمني بتصريح يمنعني من الحضور للجلسة ) ,يعني أشلون مثل ماتكول بلا تشبيه ,اللهم الشر بره وبعيد يعني رئيس حزب الدعوة أيصير (النجيفي ) لو مثلا رئيس الحزب الاسلامي ايصير (الجعفري ) ,فهمت يمعود لاتخلينه نحجي زايد ونبتلي !
- يبتسم خضير كاوسكي مخاطبا الحجي ,حجي هاي أشلون رهمتها
- رهمت هناك والناس تشتغل على حب الله وصار براسهم خير , أسكت خضير بعد لا تقاطعني , حافظت على المال العام وخزينة الدولة وانتعشت المانيا بفترتها الانتخابية ما أتضررت بالأزمة المالية من ظلت الدول تدّاين وحده من الأخرى ,رتبت أمورها وطلعت من جرخها ! مو مثل حظي المصخم ,أفلوس تارسه الكيعان وأحنه أنلوج بالتراب , أنت تشتغل عماله , وهذا منتظر التعيين شهادته بطوله , وأنا على الراتب التقاعدي , وياساعة الساعة تعلك وينعل والدينه ! نواب وحكومة ماعدهم شغل بس واحد يفضح الثاني ,هذا مسوي عملية بواسير والأخر عملية تصليح أسنونه والشعب ضيم وقهر , ومثل ما كالت الفنانة النص ردن (ساجدة أعبيد) في أغنيتها التي يستلذ بسماعها أحد النواب ( يمه دعمني الباص ماكال العفو) ,أندعم وتعالج على حساب الشعب ,شعبالك أفلوس مالت مخابيل ياهو اليجي ويغرف ,عاد ياكاوسكي أنت قارن بين ميركل المرّه وبين عمامك النايمين بالعسل وشوف ياهو إلي خدم ناسه وشعبه ,ولو نظل مليون سنه ماتصير عدنه مرّه مثل ميركل ناقصة عقل ودين !
مانريد بس زلمه ناقص عقل ودين مثل ميركل بلا تشابيه ويخلصنا من المحنه ولو هاي احلام العصافير بس ننتظر أشبدينه .تعبتوني اتظل يمكم العافية ...





يحيى الحميداوي





كيف تدعم-ين الحوار المتمدن واليسار والعلمانية على الانترنت؟



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 3,637,492,706
- والتالي أشلون !
- ياسامعين الصوت ...حيهم !!
- مطشر تايلبر *
- خوف أسمه الوطن
- النواخه أشرفهم !!!
- اوف هم اجى العيد !
- سوالف رمضانية (أحلام أنتخابية )
- أعذرني أبو محمد
- صالح بين طالحة وطالح
- حكايات شارعنا (أم الزين )
- من أمي (عليها السلام ) إلى النائبة حنان الدوري !!!!
- هنيالج يمه
- أكره أبو جواد وأحبّ العراق
- صلاة لوطن النخيل
- وعود انتخابية (صحيح ما اشوفك بعد )
- قصائد للبيع يعرضها كريم السراي قراءة في مجموعة الشاعر السراي ...
- رازونه للضياء
- حكايات الخبز والضوء
- الذاكرة العارية
- صلاةُ القُبْل


المزيد.....




- كاريكاتير -القدس- لليوم السبت
- هوَ الحُزن ...
- السفير المصري يفتتح أيام الثقافة المصرية في موسكو...صور
- الأحرار يسخرون من ابن كيران: واش يقدر -غيتيريس- يدعو - رونار ...
- كيف يتجنب الصحفيون التمييز والكراهية؟ إصدار جديد لمعهد الجزي ...
- المنتج محمد حفظي يكشف سبب رفضه مشاركة فيلمه -ليلة رأس السنة- ...
- لماذا يجب أن نخاف من تحقق أفلام الخيال العلمي؟
- فنانة لبنانية تغني -طلع البدر علينا- داخل كنيسة...فيديو
- أمزازي : شجاعة من المغرب أن يشارك في التقييمات الدولية الخاص ...
- فنانة مصرية تعلن بناء مسجد باسم هيثم أحمد زكي


المزيد.....

- التقنية والحداثة من منظور مدرسة فرانكفو رت / محمد فشفاشي
- سَلَامُ ليَـــــالِيك / مزوار محمد سعيد
- سور الأزبكية : مقامة أدبية / ماجد هاشم كيلاني
- مقامات الكيلاني / ماجد هاشم كيلاني
- االمجد للأرانب : إشارات الإغراء بالثقافة العربية والإرهاب / سامي عبدالعال
- تخاريف / أيمن زهري
- البنطلون لأ / خالد ابوعليو
- مشاركة المرأة العراقية في سوق العمل / نبيل جعفر عبد الرضا و مروة عبد الرحيم
- التكوين المغترب الفاشل / فري دوم ايزابل
- رواية ساخرة عن التأقبط في مصر بعنوان - البابا / الصحفي الراحل في جريدة البديل اليسارية المصرية/ محمد ربيع


المزيد.....
الصفحة الرئيسية - كتابات ساخرة - يحيى الحميداوي - انجيلا ميركل ما تنطيها !!!