أبوذيَّه وقصيدة للوطن والناس

جواد القابجي

الحوار المتمدن-العدد: 3890 - 2012 / 10 / 24 - 09:45
المحور: الادب والفن
    

***********
الوطن عيب آنه اصد عنّه ++ وبد لا
وهو مو ثوب من يرگد ++ وبد لا
ألف لا اصرخ ابعالي ++ وبد لا
ما يطلع .. ابگلبی وللمنيّه
**************
هلْسَنه مرَّت جفاف ابلا مَطَر
شبيها غير الخوف تفخيخ اوخطر
***************
مرّت سنين الفُگُر محَّد سأل
اشلبس هذا الشعب بيها وشأكل
النفط يو نهرينّا الجابن عِلل
هاي حالتنه صُفَت طول الدهر
*****************
النوب حتَّه الرافدين ابلايه ماي
وهاي بلدان العجم جارت اهواي
شو إجتنه اچماله .. بزرت مردخاي
والفتاوي ابدم ِّ لعراقي هَدَر
*******************
هاي حصَّتنه لَجِل حُبْ الوطن
الشريف ينوح بالهَمْ والمحن
والحرامي اسيوفه بظلوعك مُضَن
وصرنا صحره ابلا زراعه اولا نهر
******************
ياوطن بيِّسَت بالناس الوحوش
موحرامي واحد اهوايه التروش
اوكسِّروها ظلوعنا أهل الكروش
امنين اجتنه هالقذارات الحشــــــر
*****************
ياعراقي ثوُرْ .. لا لا.. تستكين
اخذ دورك ونتقم من كل لعين
شلون توثق بالحرامي يصير أمين
گوم ضد الظُلم وإمسح كل أثّر
*****************
إلراح راح وخل نفكِّر باللي جاي
وبالدمقراطيه لازم نبني راي
اعراقي آني اوما أظن يبنيه سواي
اوإيد وحده انصير وندفعه الضرر
**************
[email protected]

#جواد_القابجي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات