قصيدة مصطفي النجار: اتهوا

مصطفي النجار

الحوار المتمدن-العدد: 3274 - 2011 / 2 / 11 - 17:08
المحور: الادب والفن
    

امشي يعني اتطرق
احنا في عهدك بيتنا اتخرب
ارحل ارحل يعني اتهوا
دا احنا في حكمك حالنا ادمر
بنقول لسيادتك امشي وسيبنا
نار في غيابك ولا سرقة بيتنا
افهم.. افهم كلمة أكيده
بلادنا خلاص حضنت الحديده
بسرعه .. بسرعه يعني أمر
بلاش لكاعه قوم واتلم
حس بحرقة أب إتهم
ابنه استشهد بنار الغدر
اخلص .. خلص شعب عظيم
احنا مش عايزين حكمك العظيم
اسمع كلمة صدق
انا قلبي في صدرى منك هيهج
انصرف وارحل بكرامه
بعيالك ومراتك.. دي بلدنا بقت خربانه
سوستك نخرت في اجسادنا
بحلفكم بالله يا اخوانا
قولوا يسيبها قبل ما تولع
ده هما حبة جاز وتولع

***

بقولها اتنحي يعني ارحل
مش عايزينك ارحل غور
أول مطلب في الدستور
داوي جراحك يا شعبي
غير صمغك على الكراسي
حط صابونه للزعيم
لجل مايرحل واحنا نام
ووصيه يبدر خطاباته
لجل ما تتستف أوراقه
ويلاقي الجن على دماغه
ويحاسب ويبهدل أبنائه
ويجمد ويصادر حساباته

كيف تدعم-ين الحوار المتمدن واليسار والعلمانية على الانترنت؟

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات