لعينيها تكتمل القصيدة

غالب المسعودي
(Galb Masudi)

الحوار المتمدن-العدد: 4430 - 2014 / 4 / 20 - 05:58
المحور: الادب والفن
    

تكهنت وانا في معبدي السرمدي
حر اشتياقك..........!
يانار الوكت مو كافي
لهل الحد....؟
اموتن ونكبر مرتين
جي عفت الجفافي
وصدكت بالرد.....!
مو جابت خشلهة ونياشين الهوة
او حتى طرحتهة
جا هيج اليوافي
تاليهة ينرد.؟
أهو همدة اليوم العفتج بيه
أهو همدة الفكر ما ينرد..........؟
وهو يوم الما اشوفج بيه
اهو هم يوم وتاليهة ينعد
أنا الخليت العواذل من يمرون
يوموني الج
وبكليبي يدوسون
جا وين شالا.......؟
او وين اليحبون
شو طلعت قصيدة من ليل مجنون
لجن ليل اليحب ابد ما ينعد
دمعة انهار من بوسات ترفة
والترف من تشب بيه النار
بس مجنون ليلة جا يكدر يعرفة
اعرف بالدنيا جثير اسرار
بس سر حبج
لهل هالساع ابدا ما عرفتة
جي انت جبيرة هواي
جي انت حلوة هواي
جي انت تحبيني
جي انت قصيدة
وانا شاعر محروم...؟
لا تبجين مو كل دمعي
خصم للعزيزة اممتة
تقول لي(حبيبي سحائب حزن تمطر روحي بالف الف موت,تشقيني حد اللا احتمال.جئت اتكيء عليك فرميت بي في سراديب الالم, هل تنكرني وقد جثوت حبا بين يديك.......؟)
خلص كل الدمع
وعصرت حتى الروح
اشوفج بالحلم نيسان
افزن نار تاكلني
والذباح ناطرني
واشوفة يومي لعيوني
هذا يكول نسملهن
وذاك يكول بعد خلهن
بعد بيهن شكة
(يا انت ياروح القوافي والشعر كله)
يا حسجة اهواي
او جبيرة راي
او من شوفتج يرد خجلان
مو بس الحرف
شو هو الشعر كلة.........!

#غالب_المسعودي (هاشتاغ)       Galb__Masudi#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات