عبدالله صقر
الحوار المتمدن-العدد: 4389 - 2014 / 3 / 10 - 00:57
المحور:
الادب والفن
من يوم ما واعبت على الدنيا
وأنا ماشى على الشوك عريان وحافى
كنت بسمع وأنا صغير أن النيل نجاشى
يعنى ها يجيب لينا خير كثير بس كان واكله إل ما يتسماشى
كان بالع خير البلد والبشر وإحنا ما ندراشى
يا ناس رغم فقرى لكن عمرى ما نسيت بلدى
ودايما شايلها على كفوفى وأكتافى
فقير وعدمان بكنى بحب بلدى بقلب أبيض صافى
القلب طيب لكن الحظ دايما قليل والرزق موش كافى
أيام بتمر علينا أسود من قرون الخروب وإحنا كمالة
عدد وما نسواشى
لو مرض واحد من أصحاب الكروش سفروه لياريس فى
الحال , يروح مكسح ومضحضح ويرجع شادد حيله وماشى
كنا حاسين بغربة فى وطنا إل بندافع ونموت علشانه وما بنستناشى
لصوص البلد رحلوا مع طلوع النهار وقبل اليوم إل مايتسماشى
#عبدالله_صقر (هاشتاغ)
كيف تدعم-ين الحوار المتمدن واليسار والعلمانية
على الانترنت؟