موش بأيدينا

عبدالله صقر

الحوار المتمدن-العدد: 4239 - 2013 / 10 / 8 - 23:10
المحور: الادب والفن
    

موش بأيدينا
غصب علينا
دنيا غريبة
دنيا عجيبة


جناها موش بأيدينا
موش بإرادتنا
بإرادة غيرنا
وغيرنا كان
قاسى علينا
ولما جيناها
كنا بنصرخ
كنا بنبكى
عاوزين نشكى
موش بإيدينا
كان غصب علينا

دنيا كلها صراعات
كلها خلافات
دنيا قاسية أوى علينا
وأتمسكنا وأتعلقنا أوى بيها
وأتشعلقنا كمان بحبالها
وحبيناها زى ضى عينينا


بناديكى يا دنيا
ليه دايما قاسية علينا ؟ !
عاوز أعرف
أيه إل شاددنا دايما ليكى ؟ !
ليه يا دنيا ماسكين فيكى ؟
كلك شقى
كلك تعب
وده مسبب ضغط علينا

دنبا إل يفهمها
لازم يعرف إنها ما تسوى
عمرها ما أعطت حد
إلا ما تأسى
دايما دايسة على أنفاسنا
وكأننا أتخلقنا فى لحظة نسوه

شوية ... شوية
علينا يا دنيا
لآننا أتخلقنا
عليكى وعشنا
والآخر بتأخذينا
فى لحظة أو ثانية
من غير شكوى منينا

مالكيش حبيب ولا غالى
كل إل على ظهرك بترميه طوالى
وفى ترابك دافنة الغالى
ليه يا دنيا
موش واخدانا فى حضنك
وعلى طول ضمانا ؟ !

موش بقولك
إنك قاسية
وكمان خاينة
ولا عمرك صاينة
لحد عليكى !!
وإنك دايما قاسية علينا

شوية ... شوية
علينا يا دنيا
مالك كده بتبهدلى فينا
وفى الآخر بتتدللى أوى علينا
هو علشان جينالك غصب علينا !!
وموش بأيدينا بتعذبى فينا !!

أمتى ها تروقى يا دنيا لينا ؟
وأمتى ها ترضى علينا وتحبينا ؟
دا كل عمايلك صعبة علينا
أصفى وروقى يا دنيا بقى لينا
علشان خاطرى وخاطر أهالينا
دنيا قاسية وجيناها غصب علينا
وموش بأيدينا

#عبدالله_صقر (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل