سولفلي, شكو ماكو اليوم؟

ظافر شانو

الحوار المتمدن-العدد: 8350 - 2025 / 5 / 22 - 19:47
المحور: الادب والفن
    

قبل عقدين صاح المنادي
شق بصوته, حبال جنجرته! التراب! البارود!
ومعهم الجبل والوادي!
مجاهراً فرحاً سعيداً منتشياً مزهواً:
يمعودين يا جماعة الخير
تعرفون هذا شنو سوه بينا؟
هذا الگتل ولدنا! هذا الدمر حياتنا!
وباگ زهرة شبابنا! هذا اللي دمر العراق
نعم دمر العراق!

واليوم, بعد أكثر من عشرين سنه!
ما أدري يجوز يمك عام!
أگلگ, أبو الشباب سمعني صوتك
أنا أله مشتاگ, أرد أسألك
واليوم شلونك يا عمري؟
سولفي, من مات أبن صبحه! وفتحنا صفحه!؟
هم طوينا لو ما طوينا صفحه؟
شجرى بحياتك شصار؟
شلونهم ولدك؟ وشلونه العراق؟
شلونك ويا جيرانك؟ شلونك ويا حدودك؟
شلونك ويا المخدرات!؟
لا صدگ هسه شلونك؟ متونس مرتاح؟
گلي هم صرت من جماعة رفحه؟
لو جاي تترحم على أيام أبن صبحه؟
أگلگ الحجي بيناتنا, أنت هم حسيت بالنگره؟
وره ما خلصنا وأرتاحينا من أبن صبحه
الله, الله, يا محلاها! من تاخذ نفس
أشتمينا الحرية, يوم يومين! شهر شهرين
شو ياهو التلزمه صاير ابن صبحه!
شو الشعب كله طلع أبن صبحه!
چا ما رضينا بجزه! النوب خسرنا وياها الطلي والصخله!

وچانت الصيحه, شعبنا يوم وره يوم
ربع طفر بره! وربع جوه التراب!
والنص اللي فوگ التراب, ميت بعيشه گشره!
كلمن ملتهي بگبره! كاتله الضيم والحسرة
چم واحد بس ياكل دجاج!
وولد الخايبه, يتنفسون طوز وياكلون التراب
چا أفتهمنا من تراب والى تراب
بس مو هجي كالوها, لا وحق رب العباد
وحق لا إله إلا الله, هاي ولا چانت بالحساب!

وهسه سمعني صوتك, سولفلي
شلونها النفطات؟
شلونها المقامات والمزارات؟
شلونها المعابد والآثار؟
بابل وآشور هم بعدهم هناك؟
يبست لو بعد دجلة والفرات؟
شط العرب بعده بمكانه؟
لو تبرعتوا بيه للجيران!؟
الغيره والمستحه, الدهر وين صفه بيهم!؟
هم صدگ يبست ويا الأهوار والبحيرات!؟
يا بعد رويحتي غرد, سولفلي
شلونك هسه! وشلونه وياك العراق؟
سولفلي منو أبتلى بمنو؟
أبتليتوا بالحريه؟ لو بالحريه وبيكم أبتلى العراق؟
عويصه الشغله ينرادلها صفنة وحساب وكتاب
لكن على كل حال أختم وأگول
صبراً صبراً, صبراً جميلاً يا عراق.

#ظافر_شانو (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل