مشتاگه روحي اوأحن

ميسون نعيم الرومي

الحوار المتمدن-العدد: 8099 - 2024 / 9 / 13 - 20:15
المحور: الادب والفن
    

مشتاگه روحي الك
مشتاگه للنخلة
واعيوني تربي تضل
واترابك الكحله
***
مشتاگه روحي اوتحن
لنجوم السمه للكمره
والهوه اعذيبي يمر
وايلاعب الگذله
***
مشتاگه واحلم كل وكت
من تمطر اول مطره
والريحة اترابك عطر
واللون چن حنه
***
مشتاگه واگليبي ركض
من اسمع آنه ابإسمه
صفصافه وابعاصف هوه
هيچي امن اذكرنه
***
حسبالي مده او ارد
واتعدي محنتنه
تاليهه كلشي خلص
محنه ابأثر محنه
***
الناي ع الشاطي عزف
والنغم بي ونه
وابعيني غيرك ماحله
يا وطن يا جنه
--------------------------------
ســــــــــــتوكهولم
13/ايلول/2024

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل