رقرشة الجيل الجديد

اشرف عتريس

الحوار المتمدن-العدد: 7661 - 2023 / 7 / 3 - 09:30
المحور: كتابات ساخرة
    

طب والله حاجة غريبة السنادى فى امتحانات ( ث.ع)
العيال مش عارفين هم حلوا كويس ولا محلوش ، الامتحان عادى ولا صعب ،
عيال كتير مش بتكدب لكنها بترد عفوى بمنتهى السذاجة #معرفش
توهان ماتعرف ، غباء ماتعرف ، حوارات ماتعرف - الله اعلم
من زمان الدروس الخصوصية واوعى حد يكدب عليك ويقولك (مفيش) لأ ..
عندى 59 س والعام القادم معاش وبقولك حصل -
المهم ان العيال برضو السنادى فى الدروس بيحضروا فعلا الحصص
وبيدفعوا الفلوس والمراجعات كمان ومفيش تزويغ ولا خنسرة ..
لكن بيخرجوا من الحصص مش فاهمين ،
تسأل العيل : فهمت كويس من الحصة ؟
يقولك لأ ..
حسبى الله ونعم الوكيل فى المدرسين والعيال سوا ،
نيجى بقى لحلقة الشعر ، حاجات يعلم بها ربنا ..
الكيرلى ، بان ، ستريت هير بتوكة ، باص كت
طب يابنى وحشنى وشك والشعرعلى عنيك مش شايفك ، ايه ده !!
أما اللبس والهدوم دى حاجة تانية ملهاش وصف ..
خد 250 جند وراح جاب بنطلون مالوش 30 لزمة ،
لما كنت فى عمره كان عندى بنطلون باشتغل به فى اجازة الصيف ،
مقطع ومتهربد ومشحم وممسوح به السراميك الكسر ..
كده ومن الآخر وعلى بلاطه : منكم لله
#احنا_اهاليهم_شاربين_المر

#اشرف_عتريس (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات