سموترتش

طلال الشريف

الحوار المتمدن-العدد: 7562 - 2023 / 3 / 26 - 23:06
المحور: القضية الفلسطينية
    

خليها 15: سلسلة مقالات قصيرة
بناء على رغبة القراء وشكواهم من طول المقالات خليناها 15 سطر ودون شرح طويل نتمنى في ذلك الإفادة والتركيز.

بيتسلئيل سوموترتش بيقول هو الفلسطيني واحنا شعب صناعي منذ قرن فقط .. ولا اعتقد ابدا أنه الفلسطيني حاقد وارهابي لدرجة ينكر التاريخ ويسرق أراضي واملاك شعب آخر منتهزا سهوات تاريخ فالتاريخ اقوى من كل السومترتشات المحدثةكلها، طيب شو تقول لستك جوالدمائير اللي بتقول كلنا يهود وعرب فلسطينيين؟! وانتا بتقول جدك كان قاضي في منطقة نهر سومتيرتش عالحدود البولندية الروسية، وايش جابك انتا واهلك لفلسطين .. الدين بيسميش دول، الدول إسمها عل ناسها وقومها العربي الفلسطيني زي كل الدول .. ليش ما تتطلع حواليك وتشوف مين القوم اللي حواليك والأرض اللي حواليك، لا هي روسيا ولا هي بولندا، يعني علشان تمد رجليلك لبلدك ونهرك تحتاج سنوات من المشى وتقطع دول فيها اقوام وحتى ديانات بالألاف الكيلومترات، يعني انتا أصلك مش من منطقة العرب .. أحنا الفلسطيني عربي وأهله حواليه لو نزل رجله عن كرسيه خطوة واحدة بيكون في ارض اهله ونهر اهله وبحر أهله لان الارض والناس كلهم اهل وعيلة بعض، وساكنين بارضهم وزرعهم وثرواتهم من يوم الخليقة .. وبعدين احنا حكام فلسطين حموكوا عبر التاريخ مضطهدين من كل العالم على طول الزمن، و لا ندري لماذا انتم هكذا؟ يمكن تسال من فعلوا بكم هذا وليش وخليهم يجاوبوك .. أخذتوا ٨٧% من ارض فلسطين والفلسطينيين الطيبين وافقوا تكون دولتهم على ٢٢% وما عجبكوا، لسا بدكوا تاخدوا الباقي؟ شوف كيف انتو مش فاهمين ليش بيصير فيكو هيك عبر التاريخ، انتو جماعة طماعين، ولن ترتاحوا على ما يبدو في نقص في سلوكم وتفكيركم دائم .. القوة نسبية، شوف الدنيا كيف بتتغير والحقوق بترجع لأصحابها لما بتتغير موازين القوى، وانا نصيحتي ليك ولكل السموترتشات اللي بيفكروا زيك، فكر واحسب علشان تحلوا ازمة وجودكم وتريحوا شعبكو من كل مصائبكم السياسية والعقائدية اغتنموا الفرصة، وانتو اصنعوا دولة الفلسطينيين في الضفة وغزة والقدس، وبيكفي صراع لأنو مش راح ترتاحوا طول ما الشعب الفلسطيني بدون دولة قابلة للحياة وكمان تحسنوا في علاقاتكم معهم .. اتمنى ان تكون هذه آخر النصائح ليك ولشعبكم اللي مش عاجبوا شغلكم وادارتكم، وبلاش تظلوا تديروا ظهركم للنصائح عبر التاريخ وبيكفيكوا عنظزة كذابة .. غير هالعقل يا سموترتش ...
تحملونا بنجرب نعمل المقال 15 سطر مش زابطة، يللا المرة الجاية بتزبط علشان خاطر سموترتش وبن غفير مخهم تخين شوية. لازم شرح أبسط لأنهم محزمقين وفاكرينها سهلة وبتعدي .. ههههه
يا زلمة يا سموترتش انتا لليوم صارلك ٨٠ سنة بتدور عالهيكل ومش لاقيه، وصارلك ٨٠ سنة مش عارف مين اليهودي ولا عارف تعرف مين اليهودي، وصارلك ٨٠ سنة مش عارف حدود اسرائيل، وصارلك ٨٠ سنة مش عارف مين الفلسطيني، وجاي تفهمنا إنك فلسطيني من بولندا واحنا شعب صناعي .. أحنا العرب أصحاب الارض اللي انتا مش عارف وين قاعد .. يا زلمة أهجع وروق ما انتا شايف اوكرانيا قاعدة بتتقسم لاصحابها الأصليين فش ألك كبير يفهمك روق والكذب عمره قصير.

#طلال_الشريف (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل