شوارع العار

نساء الانتفاضة

الحوار المتمدن-العدد: 7477 - 2022 / 12 / 29 - 20:10
المحور: ملف : ظاهرة البغاء والمتاجرة بالجنس
    

(وما زالت الروايات المفزعة عن شوارع العار من مثل الطريق السريع "أي 55" بين المانيا والتشيك، حيث يباع الجنس بمحاذاة الطريق محتفظا بقدرته على نشر الهلع الأخلاقي في اغلب مناطق شمال أوروبا) من كتاب...أنثروبولوجيا الجنس.

رن الهاتف عدة مرات عليها، نظرت اليه، انه رقم غير مٌعرّف، تتسأل مع نفسها: ترى من يتصل في مثل هذا الوقت؟ ايمكن ان يكون زبونا. لا تعلم، لكنه الصباح، وهي قبل ساعات عادت من الملهى الليلي منهكة؛ قد يكون المسؤول عنها، ارتعبت اوصالها بمجرد التفكير في ان يكون هو، سارعت لفتح الخط:

الو، منو؟

الو، شلونچ زهراء، اني رنا صديقتچ

هلو رناوي، شلونچ، مشتاقتلچ، وين صرتي، وين دارت بيچ الدنيا؟ بس زين سويتي من شردتي، يعني عفيه عليچ طلعتي سباعية، بقينا احنا يجيبونا منا ويودونا منا، يوميه بحضن واحد، وهذا الكلب ابن الكلب مستفاد بينا، مسوينا سلعة عارضنا على الرايح والجاي، ياهو اليدفع زين ياخذها. لج عيني مو حياة، مرار، انتي همزين خلصتي، بس ديربالچ ترى گلب الدنيا عليچ، ويوميا يحقق ويانا، ويگول إذا الگاها الا اشرب من دمها. تدرين قبل كم يوم جاب وحده چانت شارده، وگفنا كلنا، وكسر رجليها گدامنا، وخله الدم يطاير من كل جسمها.

يمعوده خلي يولي هذا الگواد ابن الگواد، گاعده ارتب على سفر خارج العراق؛ بس فلوس ماكو، اذا تگدرن تساعدني حتى اخلص، لأن اذا بقيت يمكن يلگاني؛ اني هسه يم الشرطة المجتمعية، خوش شباب، ولو هم يخافون من هاي العصابات والمافيات، يگولون ذول مسنودين من الميليشيات والمخابرات والامن الوطني وضباط كبار بالداخلية والدفاع، فما نگدر نسوي شي.

أي عيني صحيح، هذا الگواد مالتنا دائما يگول كلهم يمي. على طاري الفلوس سهله، راح نسويلچ جمعه من كل البنات اللي هنا. البارحة واحد من الكبار انطاني أربع ورقات، وهذا ابن الكلب ما درى بيهن، راح ادزهن الچ.

اشكرچ عيني زهراء. اكول هسه أنتن وين "تخدمن"، بقاعات أربيل لو بالطوايل لو بالبتاوين لو بقاعات شارع السعدون لو بأبو نواس لو بالشيراتون لو بالميريديان.

حسب الگواد مالتنا، وين ما يريد ياخذنا؛ يگول اني تعبت عليچن، فأريد اطلع فلوسي؛ انتي تذكرين اول ما جابونا اخذونا على مراكز التجميل، نفخ وشد وشفط، صنعونا من جديد، حتى يتاجرون بينا، صدگ الحياة مرة حيل، كلشي منشوف، نروح الساعة ب 11 ونطلع الساعة خمسه الفجر، نبقى واگفات على الستيج خمس ساعات بس نرگص، وبعدين يجي واحد معفن وسخ انام وياه، خرب هاي العيشه الزفرة. وكل هاي الحياة الخره ويجي واحد تعبان يگول أنتن راح ادخلن النار، انعل ابوك لابو حتى النار.

اگول زهراء صحيح جابوا سوريات وياچن؟

ولچ هاي العالم كلها درت بيها، زين ما تشوفين تلفزيون، ذاك اليوم التقوا ويه ساره السورية، هاي الحلوة حيل، بيها كل المواصفات المطلوبة من الزبائن، خطيه هي تعرفين شگالت للمذيع من سألها على شغلتها: "فلوس هواي فلوس". گاعد يجيبون السوريات من الحدود، من مخيمات اللاجئين. خطيه ذني وين ما كان يشتغلن.

اگولچ زهراء اني لازم اروحن هسه، الضابط يريد يحچي وياي، بس بداعتي عليچ مو تنسين الفلوس.

صار عيوني رناوي، كم يوم والفلوس يمچ. بس ديري بالچ على نفسچ هاي الأيام، ترى هذا الگواد ما ساكت، گاعد يدور ويسأل.

بسيطة زهورتي، سلميلي على البنات كلهن، وبلكي تخلصن من هاي الشغلة، باي.

ملاحظة:

حسب التقديرات الراهنة، هناك 40 مليون امرأة تستغل جنسيا "عبدة جنس" عبر العالم، 75 بالمائة منهنّ تتراوح أعمارهنّ بين 13 و 25 سنة.

تشير التقارير الى ان العبودية الجنسية هي الاكثر ربحاً، اذ انها تدر 36 الف دولار سنويا عن كل مستعبد-ة, وتذكر المنظمة بأن النساء تمثل 66% من ضحايا الاتجار بالبشر, وان 90 مليار دولار تأتي من تجارة الجنس.

حسب التقديرات يدخل سنوياً الى سوق الجنس 40 ألف شخص من دول جنوب وجنوب شرق آسيا، وتنتج إفريقيا سنوياً قرابة الـ 50 ألف شخص، فيما تجهز أمريكا اللاتينية وجزر الكاريبي حوالي 100 ألف شخص، وتنتج مجموعة الدول المستقلة التي كانت تنتمي للاتحاد السوفياتي ودول أوربا الشرقية والوسطى ما يقارب 175 ألف شخص، وتقدر المنظمة العالمية للهجرة أن قرابة الـ 120 ألف من الاعداد المذكورة سابقاً تهرب باتجاه الاتحاد الأوربي.

حسب إحصائيات الأمم المتحدة يخضع 95% في المئة من المومسات في العالم لنظام الوساطة (السمسرة).

وأخيرا.. نشطت تجارة الجنس في العراق بشكل كبير بعد استلام الإسلاميين السلطة.
طارق فتحي

#نساء_الانتفاضة (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل