صنداديق

هانى شاكر

الحوار المتمدن-العدد: 7472 - 2022 / 12 / 24 - 22:56
المحور: مواضيع وابحاث سياسية
    

______

صندوق الدنيا واسع
غويط و مالوش قرار
مليان طيبة وبركة
وبلايين من الاشرار

وجواه حداويت كتيرة
ملايين صناديق صغيرة
ِتملاك عجب وحيرة
الغاز على اسرار

وفى زمن العجايب
و فرض المكوس والضرايب
ع الشاطر و اللى خايب
حكمنا مماليك كُبار

قالوا الخيار ده لينا
واحنا الفقوس مَلينا
جابوا عالينا واطينا
مالينا بم ولا اختيار

سالنا فين المالية؟
وخير البلاد دي هيه
اِدونا حتى الماهيه
نجيب للعيال فطار

ردوا بصوت مليان
شوفوا انجازات الزمان
تمثال فى كل ميدان
لمولانا المغوار

قلنا دا مش معقول
تمثال صفيح معمول
بالعرض قد الطول
ب 6 الاف مليار؟

ردوا برطن غريب
عن خبير من السراديب
صوته حنون و طريب
اش فهمك يا ***ر؟

دي حروب الجيل التاسع
علمها غويط وواسع
وانت دماغك لاسع
ما تعرف ليل م نهار

يلزمها تمويل خاص
و فلوس محشورة ف بلاص
مفتاحه ف ابو قرقاص
مخفى عن الانظار

و بلاليص من ده كتير
واحد لكل وزير
اما الزير الكبير
ف ده مخفى ف الكرار

فيها الفلوس بتروح
و صرفها فقط مسموح
لحضرة اللوا ممدوح
و المحاسيب الكبار

بيدلعوها ( الصناديق )
و مُخك عن فهمها يضيق
و لحساباتها كده تلافيق
تتوه فيها و تحتار

حزني عليكي يا مصر
من شياطين العصر
اللي من جوا القصر
حكموا علينا بالمرار

.....

#هانى_شاكر (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل