همسة اليوم: ريحته وحشة!

محمود عبد الله
أستاذ جامعي وكاتب مصري
(Dr Mahmoud Mohammad Sayed Abdallah)

الحوار المتمدن-العدد: 7274 - 2022 / 6 / 9 - 00:51
المحور: الصحة والسلامة الجسدية والنفسية
    

همسة اليوم: ريحته وحشة!!
أحيانا يقولك فلان "ريحته وحشة" مش عشان هو فعلا ريحة جسمة وحشة.. ممكن يبقى حاطط (كوكتيل) من أغلى وأقوى العطور.. بس - للأسف - برضه ريحته وحشة.. إزاي؟!! يعني سمعته وحشة.. ما حدش يحب يقرب منه.. لإنه "شبهة".. وإللي يقرب منه، بيتلط.. ومشهور من زمان بالفساد: فساد مالي (لص أو مختلس)، فساد أخلاقي، اضمحلال علمي، بتاع مشاكل، غير سوي (نفسيا) ومحبط منفر (ينشر طاقة سلبية بين الناس) ولا يشجع على العمل والرقي، منافق ومتقرب من السلطة وذوي النفوذ، زلنطحي (يتبلى على خلق الله ويرمي بلاه على الناس)، نصاب ومدلس ومزور (يقلب الحقايق ويشهد زور ويطلب الشهادة الزور)، مراهق (مراهقة متأخرة في سن الكهولة) وعينه زايغة (ومش عاتق)، مخبر (أمنجي) رامي نفسه في أحضان ذوي النفوذ، عكاك، طلباته كتير وبيثقل عالناس، فضولي وعايز يعرف كل حاجة عن إللي يقرب منه، كسول (غير جاد) ومش بتاع شغل، منفسن وحسود وحقود وعينه مش مليانة، مساك سيرة وبيسخر من زمايلة عمال على بطال، ندل وما ليهش عزيز... إلخ.. وتبقى مشكلة كبيرة لو كل الصفات (النبيلة) دي تجمعت في شخص واحد.. الناس هتجري من قدامه لما تشوفه من على بعد كيلو.. وكأنهم شامين ريحة جيفة عفنة!!

#محمود_عبد_الله (هاشتاغ)       Dr_Mahmoud_Mohammad_Sayed_Abdallah#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات