تعرف

عادل عياد

الحوار المتمدن-العدد: 7149 - 2022 / 1 / 30 - 21:14
المحور: الادب والفن
    

الحلم ليه ألف معنى ضايع
السكوت ماسك الكلام
والسلام تايه مش عارف الباب
تعرف انا مش هنا رغم وجودي
وتعرف من زمان ماسمعتش صوتي
اغني يمكن العيب في السمع

الحب مش ملاك فارد جناحاته يحميني
الحب وحش بينهش في الجسد
ياخد القلب طفل بريء
يرميه عجوز بيصارع الموت
عارف لو حبيت ميت هتعيش
وعارف لو محبتش هتعيش ميت
هاستسلم وزي مايجي العطش
اكيد هايجي يوم وأرتوي

لحظات غروب بيحملني عقلي وطير
أقلب صفحات الكتب المشتهيه للمس
وأكون بطل في روايه
وأكون ضلع مغمور لبحث وهمي
أو أفتراض بيحسس على الحقيقه
تعرف انك تكتشف جديد حمولك تزيد
وتعرف أحسن حاجه
اني في بحور المعرفه انا يدوبك غريق

معروف .. لكل حدود سياج
والمستخبي في كل حد بيعشق الآخر
اتاخر شويه للصبر
واعلم لنفسي قانون الأرضيين
واحد زائد واحد بيساوي اتنين
تجمعها شمال تجمعها يمين
مش هيكفي نور الشمس
للوصول للمنفيين

#عادل_عياد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل