بسيطه

عادل عياد

الحوار المتمدن-العدد: 7004 - 2021 / 8 / 30 - 23:39
المحور: الادب والفن
    

الشغف وسيط بين القلب والعقل
وعلاء الدين مش هيسبلك مصباحه


كل حاجه في الخيال سهله
كل حاجه في الحقيقه سراب


لما بنغمض بنفتح طريق تاني للرؤيا
في أعماقنا ياما بتتولد فكره وتحبي
وكتير قلوبنا لبكره تجري
رغم المسافه .. ماسابش القمر الارض ومشي
رغم الغيوم .. لسه الأمل بيضحك بوضوح


هضحك علشان الصوره تغير الواقع

مش هاسيب هجرت ورق الشجر تصيبني باكتئاب كالعاده
مش هكون إنسان موسمي .. هاستمتع بطبق الفاكهه كله
الحياه علبة ألوان بتتباع على بعض ؛ بعد الهم .. هاخد خطوه فتحلى .


حكمة الطبيعه بتزين برواز الصدفه

بتفكر في ايه ؟!
امبارح راح ..
بكره يمكن ميكونش في القصه
والنهارده هو حقيقتنا المجرده
وعد القدر عدم .. فليه نندم على ايام
وجرابنا مليان سنين .

إحنا مانقدرش نمتلك الواقع .. نمتلك اللحظه
أطلق العنان لحواسك الخارجيه / الخفيه
أوهب الحريه للهاله اللي محوطاك من زمان
طير السحب اللي بتغطي كفوفك دخان
خالي براءتك تلامس جنونك
وانتشي ..
كصوفي بيسكن الله في قلبه
تأمل ..
وتأمل ..
وواجه ..
لو معشتش دلوقتي ؟! هتعيش لما يوصل صهيلك للموت !!
انا اتولدت والحيره فيا .. دلوقتي بعيش الحياه بحرفيه .


أحلامي ملموسه لناس بسيطه

البحر شايل موجه بفرح
والشط مستني اللقا
الشمس واقفه ببتسامه مليها الرضا
الورد بينشر عطره لسلام
والحلم ساكن هنا
دردشت مره مع النجوم ؟
إندمجت مع آخر ذره للعالم المسحور .. لحظة الغروب ؟
حاولت تصاحب الجبال ؟!
حاولت ترقص للسما ؟!
نحت من الهوا عمر جديد ؟

جربت تحضن المطر وقت الفرح
وفحزنك تداوي بيه قلبك الحيران ؟
جريت .. تسابق العصافير ؟
جردت روحك من الجسد وسبتها تطير ؟
الارض جنه لعشاق الحب
وكل جزء من الكون واهب نفسه للمحبين
الشهوه نقمه للي مش قادر يلبيها
فرحه للي بسهوله عاش ليها

#عادل_عياد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل