واويّة آلعراق ...

عزيز الخزرجي

الحوار المتمدن-العدد: 7042 - 2021 / 10 / 9 - 21:11
المحور: مواضيع وابحاث سياسية
    

بداية أعتذر من المثقفين الكرام على بعض الأشارات التي تناسب المتحاصصين فقط .. و لسياق الكلام و اللهجة العراقية الدارجة و لإيصال الفكرة بوضوح و ببساطة وبسرعة فقط:
الحكاية:
يكلك .. اكو واوي يمر ركض من يم الاسد ويكله طاح حظك ..
ويمر مرة ثانية ويكله طاح حظك ويركض ..
ويمر مرة ثالثة ويعيدها على الاسد , والاسد ساكت ما يرد عليه ..??
اجه النمر وكعد بصف الاسد ..
جان يجي الواوي طاير ويصيح على الاسد “طاح حظك”..
النمر استغرب وسال الاسد :- شبيه هذا الواوي ؟
الاسد جاوب :- ما عليك منه خل يولي !
النمر كال :- والله إذا مر مرة ثانية وعادهه وتجاوز .. إلا الزمه والعن والديه ..
الواوي افتر مرة ثانية ورجع يركض وصاح على الاسد ” طاح حظك ” ..
جان يكمز النمر ويركض ورا الواوي .
الواوي ختل بحفرة بوابتها واسعة لكن مخرجها ضيق كلش .
فالنمر عصى بالحفرة و ما كدر يطلع مثل الواوي .
الواوي حصره حصره للنمر و سواله … شغلات عجيبة و غريبة ..ههههه ما تنحجي!!
وره ساعتين طلع النمر من الحفرة و رجع كعد يم الاسد و سكت ما حجه شي ..
جان يجي الواوي ركض و صاح ” طاح حظكم ”
باوع الاسد على النمر و كاله : ها ولك ؟ بس لا وداك لنفس الحفرة و خلاها بيك !؟??
إيه يامولاي الاسد .. سواها و الله و خلاها للضاليين هالملعون.
رباّط السالفة
ما أوصيكم .. الإنتخابات غداً .. عود هم رجعوا لنفس صندوق الاقتراع و انتخبوهم .. هالواوية الحرامية!؟
و حطو راسكم بالحفرة ترة يصير بيكم مثل ما صار بالنمر و الأسد و أكثر ..
ديروا بالكم ابوي ابوي تره هآلمرة يلبسون ثوب جديد و ياهم ربع يشكون بلا رحمة !!؟
حكمة كونية: [لا تنتخبوا إلّا الذي يتعهد بمُقاضاة 500 رئيس فاسد كبير حكموا بآلظلم و الطبقية مع 5000 ذيل فاسد قبل كل شيئ وإلا فآلبقية ستحترق أيضا].
ألعارف ألحكيم عزيز حميد مجيد

#عزيز_الخزرجي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل