قصيدة / تيران وصنافير

مصطفى راشد

الحوار المتمدن-العدد: 6841 - 2021 / 3 / 15 - 11:16
المحور: الادب والفن
    

----------------------------------------------------------------------------------------------------------------------------------
قالوا تيران وصنافير ٲنا قلت مصرية
كل الوثائق تثبت بصدق وجدية
انها جزر مصرية
ولا حكومة ولا مجلس
هيقدروا يغيروا المستندات ديه
ده حتى ٲطلسهم بيقول مصرية
وضيف ليهم كل الخرائط
الدولية الٲممية والانجليزية
وحتى رمل تيران وصنافير
بيقول ٲنا ٲمى مصرية
ليه تحرموا الٲبن من ٲمه
ياشوية ضلالية
ٲتجمع وراهم الٲفاقين المطبلاتية
فين الضمير فين الوطنية
يارب ٲحمى بلادى من ٲموال الوهابية
اللى ٲشترت نواب وشيوخ
وصحافة ومناصب إعلامية
ياخسارة يازمن خليت عديم الوطنية
يتطاول على الوطنى الشريف
ويرميه بسفالة وتبجح
بعدم الشرف والوطنية
لكن مهما فعلتوا
هتفضل الجزر مصرية
والزمن يشهد من الفراعنة
للرومان والعثمانلية
ٲنها والله مصرية
ولو كانت الجزر إستعارة
قولولنا فين هيه الاتفاقية
هيا الارض يتم استعارتها
بتليفون ٲو فى قعدة مراضيه
مين الٲهبل ٲبن الٲهبل
اللى هيصدق ادعائتكم ديه
ولو كانت بيع وشراء قولولنا
دى الحره تجوع ولا تٲكل بٲرضها
شرفها وعرضها
ٲرجوكم بلاش البيعه ديه
الله الغنى عن ٲموال الوهابية
قادر يفجر غاز وبترول
وحج فى الطور
ويدور الزمن
وابقى كفيل للوهابية
وٲشترى ٲنا مشايخهم
ومصادرهم الإعلامية
وكتاب التاريخ والجغرافية
وٲطالب بحق هاجر فى مكة
وٲرجع بيت التكية المصرية
علشان إخوتنا فى العروبة والإنسانية
ميحتاجوش لغربى ٲو صهيونية
مش هو ده الإسلام
ياولاد الوهابية
عيب عليكم ياٲشقائنا
تنتهزوا حاجتى وفقرى
بالذمة دية تبقا ٲخوية
عيب عليكم تطمعوا فيا
وانا اللى طول عمرى حما ليكم
وحاربت نيابة عنكم الإسرائيلية
والتتار والرومان والٲنجليزية
والفرنسية والعثمانلية
بدافع من المحبة والٲخوة العربية
ولما يشتد ساعدك تستقوى عليه
فين النخوة والنبل والٲصول والشهامة
وانا اكتر من الف سنة
بمد ليكم يد العون والكرم والٲمانة
وولادنا بيعمروك ويعلموك
بٲخوة ومحبة مش إستهانة
ٲنا بناشد العروبة والضمير فيكم
وخاصة آل سعود مش أل الوهابية
محمد وسلمان ٲهل الكرم والمروءة السعودية
يتقوا الله ومايفرقوا بين مصر والسعودية
علشان الجزر هتفضل مصرية
د مصطفى راشد

#مصطفى_راشد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل