إقفش أعداء التنمية !!

حسن مدبولى

الحوار المتمدن-العدد: 6818 - 2021 / 2 / 19 - 01:27
المحور: كتابات ساخرة
    

علشان التنمية ( لمؤاخذة ) الإقتصاديةتأتى بثمارها،وبصفتى خبير إقتصادى (معارض) و فاهم بقول إيه، فأنا أقترح تطبيق نفس خطوات الصين فيما يتعلق بحل مشكلة التزايد السكانى ، لكن مع وضع التاتش بتاعنا (ولمؤاخذة )، بمعنى إننا لازم نحدد طفل واحد لكل أسرة زى الصين بالظبط ، لكن العقاب بعد كده يكون سجن بموجب قانون رادع لمخالفات التوالد ،مش تقولى رفع دعم وكلام فارغ ، وعشان محدش يتظلم ويبقى المواطن لقى حد يحنو عليه ، نعمل قانون تانى للتصالح على مخالفات التوالد ، يعنى اللى مخلف زيادة يدفع فدية ليهم عشان يعدى ، لكن كمان لازم القانون ده يتطبق بأثر رجعى زى قانون التصالح فى مخالفات المبانى بالظبط ، فالأسرة إللى اتجوزت من سنة 1999 وخلفت اكثر من طفل، لازم تتقدم بطلب تصالح وتعمل ملف فى مستشفى الجلاء ، وتسدد غرامة على عدد العيال الزيادة عشان يتقبل التصالح، وإللى يستعبط أو يتقاعس، أو يتقفش متلبسا مع عياله بدون سداد وملف ، يبقى لازم يتسجن ، واذا إكتشف الأمر وكان رب الأسرة قد مات ، فيبقى تتسجن الأم أو تدفع ، واذا كانت الأم قد ماتت فيتم إعدام الزيادة ،ألا إذا أنقذهم القرايب ولمولهم تمن التصالح، لكن مافيش مانع طبعا تبقى فيه شوية جمعيات و حبة أحزاب تلف وتصور العيال الزيادة دى قبل ما تتعدم ،وتطبطب عليهم مع مزيكا مأساوية، ويتذاع إعلان بعنوان
إكفل أعداء التنمية !!

#حسن_مدبولى (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل