قصيدة / بهيده

خلود الحسناوي
اعلامية وشاعرة
(Khulood Sabri)

الحوار المتمدن-العدد: 6789 - 2021 / 1 / 15 - 10:13
المحور: الادب والفن
    

بهيــــده ..
بهيده جروحي
ماتحمل ملامــــــه ..
شربت انواع العذاب ..
ويامه يامه
بالفنجان تقرالي الطوالع ..
ماصفالي من الهوى بس الملامه ..
لايلايم ..
بسك من اللوم ..
ما احمل ملامه ..
تاهت دروبي عليه
وضاعت أشواگي بدرابين الخيانه ،
يامه يامه ..
احسب جروحي العفتهه ،
تون عليك بونة المجروح من امه وعمامه
طلعن بگد نجمات حبنا
اللي حسبناهن سوى
واحنا سهرانين بليالي المحبه ،
صحت من همك وضيمك ،
لاسمعني اللي يحبني
ولاتردلي انت الجواب ..
بس صدى صوتي رجعلي
يعاتب اشواگي ويلوم
ياندامه وياندامه
عله كل لحظة محبه
وعله كل كلمة حبيبي ،
يامه صبري وصل يم روس الجبال
وفاض بدروب المحبين
ووصل حده ويه ضيمك ..
خلص صبري وياك وتعدى الحدود ،
ولا صفت عندي حياة
ولا الي دنيا ووجــود
بس غرامك ،
عذب گليبي وچواني
ومن عذابه حرگ اليابس والاخضر
لافرق بالنار من تحرگ سواجي الشوگ
تحرگ ماتهاب ..
النار لا شبت ..غزو ،
تهجم وتحرگ بساتين المحبه
بلاية خوف ،
ويامه يامه
چواني هواكم ،
يامه لوعني هواكم ،
يامه يامه
ويامه ساهرت الليالي مناطر الچلمة الحنينه ،
يلي سچينك وصل حد العظم ،
ويلي غدرك ماغدر مثله ،
الثعالب ..ولا مخاليگ البشر ..
ويلي بغيابك طواحين الغدر،
طحنت شبابي
ومبقالي غير شتلات المحبه
بروحي ذبلانات ،
موتها الهجر
يامه يامه
ويامه يامه ..

#خلود_الحسناوي (هاشتاغ)       Khulood_Sabri#          

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل